भदौ ३१ धनगढी । सुदूरपश्चिम प्रदेशका मुख्यमन्त्री कमलबहादुर शाहले जेनजी आन्दोलनका क्रम्मा क्षतिग्रस्त बनेका सरकारी संरचनाको निरीक्षण गरेका छन । मंगलबार मुख्यमन्त्री शाहले जेनजी आन्दोलनका क्रम्मा क्षतिग्रस्त बनेका सरकारी संरचनाको निरीक्षण गरेका हुन । मुख्यमन्त्री शाहले मन्त्री र प्रदेश सरकारका कर्मचारी सहित क्षतिग्रस्त सरकारी संरचनाको निरीक्षण गरेका हुन । आन्दोलनमा जलाइएका र तोडफोड गरिएका प्रदेश र संघीय सरकार मातहतका कार्यालय भवनको उनले निरीक्षण गरेका हुन ।
निरीक्षण पछि सञ्चारकर्मीलाई प्रतिक्रिया दिँदै मुख्यमन्त्री शाहले जेनजी आन्दोलनका क्रममा अकल्पनिय घटना घटेको र थुप्रै संरचनामा क्षति पुगेको बताए । प्रदेश सरकारबाट विषय परिस्थितिमा पनि सेवा सुचारुका लागि संयन्त्र परिचालन यसअघि नै भइसकेको मुख्यमन्त्री शाहल े दाबी गरे । सेवा सुचारुको अवस्था के छ भन्नेबारे जानकारी लिनका लागि निरीक्षणमा निस्केको बताउदै उनले दुई–चार दिन भित्र सबै सेवा सुचारु गर्ने तयारीमा रहेको बताए ।
२४ भदौमा प्रदर्शनकारीले सरकारी संरचनमा आगजनी र तोडफोड गरेका थिए । त्यसको एक सातासम्म मुख्यमन्त्री शाह र मन्त्रीहरु सम्पर्क विहीन भएका थिए । उनीहरुलाई सेनाले आफ्नो सुरक्षामा राखेको बताइएको थियो । सोमबार मात्रै मुख्यमन्त्री शाह काँग्रेसको संसदीय दलको बैठकमा देखिएका थिए । भदौ २४ मा भएको जेनजी पुस्ताको आन्दोलनका क्रममा प्रदेशका कैलाली, कञ्चनपुर र डडेल्धुरामा बढी क्षति पुगेको थियो ।
कैलालीमा क्षतिको प्रारम्भिक विवरण संकलन भइसकेको छ । आन्दोलनका क्रममा कैलालीमा मात्रै एक सय ३७ वटा भवनमा क्षति पुगेको छ । छ सय ७८ वटा सवारी साधन जलाइएको छ । त्यस्तै जेनजी आन्दोलनमा सुदूरपश्चिमको पहाडी जिल्ला डडेल्धुरामा तीन करोडको क्षति पुगेको छ । कञ्चनपुरका प्रमुख जिल्ला अधिकारी लक्ष्मण ढकालका अनुसार सरकारी र निजी भवन गरी ३२ वटा भवनमा प्रदर्शनकारीले आगजनी र तोडफोड गरेका छन् ।
त्यसैगरी सुदूरपश्चिम प्रदेश सभाका सभामुख भीमबहादुर भण्डारीले सुदूरपश्चिममेलीहरूको मानसिकता नै विकास प्रेमी नभएको बताएका छन् । ‘जेन जी’ आन्दोलनका क्रममा क्षतिग्रस्त भएका सुदूरपश्चिम प्रदेश सरकारका मन्त्रालय लगायत अन्य कार्यालयको अनुगमन गर्ने क्रममा ठूलो क्षति भएको अनुमान गरिएको बताउदै उनले यस्तो बताएका हुन ।
प्रदेश सभामा करिब ९० प्रतिशत क्षति भएकाले प्रदेश सभा सञ्चालनको लागि लामो समय लाग्ने सभामुख भण्डारीले बताए । जेन जी आन्दोलनको क्रममा नहुनुपर्ने दुखद घटना भएको बताउदै उनले निर्वाचित प्रतिनिधिहरूसँगको आक्रोश भौतिक संरचनामाथि देखाउनु साँझा सम्पतीको क्षति गर्नु भएको उनले बताए । आज हामी छौँ, भोलि अरु कोही आउँछन् ।
यो कमजोर मानसिकता भएका विकासै नचाहने व्यक्तिहरूबाट भएको कार्य भएकाले यसमा जो जो संलग्न छन् कारबाहीको भागीदार समेत हुनुपर्ने सभामुख भण्डारीले बताए । सभामुख भण्डारीले जेनजी आन्दोलन एकातिर काम कर्तव्य एकातिर निर्वाह भइरहेकाले आन्दोलन औचित्य विहीन हुन्छ कि भन्ने लागिरहेको बताए । त्यसैगरी परिस्थिति यस्तै रहे देश गृहयुद्धमा धकेलीने चिन्ता लागिरहेको सभामुख भण्डारीले बताए ।
