असार १५ धनगढी । गोदावरी नगरपालिका र नेपाल नगरपालिका संघ (MuAN) बीच नगरव्यापी समावेशी सरसफाइ (Citywide Inclusive Sanitation – CWIS) प्रवद्र्धनका लागि सम्झौता गरिएको छ । यही असार १३ गते गोदावरी नगरपालिका र नेपाल नगरपालिका संघ बीच नगरव्यापी समावेशी सरसफाइ प्रवद्र्धनका लागि सम्झौता गरिएको हो ।
समझदारी पत्रमा गोदावरी नगरपालिकाका नगरप्रमुख बिरेन्द्र भट्ट र नेपाल नगरपालिका संघका अध्यक्ष भिम प्रसाद ढुंगानाले हस्ताक्षर गरेका छन । त्यसैगरी गोदावरी नगरपालिकाको तर्फबाट महिला बालबालिका तथा जेष्ठ नागरिक शाखा प्रमुख गोदावरी खत्री र WaterAid Nepal का प्रतिनिधि गोबिन्द श्रेष्ठले साक्षीका रूपमा हस्ताक्षर गरेका छन् ।
उक्त समझदारी अनुसार, नेपाल सरकारको नेतृत्वमा खानेपानी मन्त्रालय, ढल व्यवस्थापन विभाग (MoWS÷DWSSM_, WaterAid Nepal -WAN) र संयुक्त राष्ट्रसंघीय मानव बस्ती कार्यक्रम (UN–Habitat) को प्रविधिक साझेदारीमा यो परियोजना सातै प्रदेशका ११ वटा नगरपालिकामा कार्यान्वयन हुने बताईएको छ । गोदावरी नगरपालिका, ललितपुर, मेचीनगर, लहान, गोरखा, घोराही लगायतका नगरपालिकाहरूमा यो कार्यक्रम लागू गरिने भएको छ ।
सम्झौतामा दिसाजन्य लेदो व्यवस्थापन, सरसफाइ सेवा समावेशी बनाउने, नगरस्तरीय नीति तथा कार्यनीति निर्माण गर्ने, तथ्यांक संकलन र अद्यावधिक गर्ने, फोहोर पानी प्रशोधन केन्द्रको अवस्था मूल्यांकन र व्यावसायिक योजना निर्माण गर्ने लगायतका गतिविधिहरूको स्पष्ट खाका तयार गरिएको बताइएको छ ।
साथै सरसफाइ सम्बन्धी तालिम, अभिमुखीकरण र क्षमता विकास कार्यक्रम पनि सञ्चालन गरिने बताईएको छ । गोदावरी नगरपालिकाले आफ्ना बार्षिक योजनामा परियोजनासँग सम्बन्धित कार्यक्रम समावेश गर्ने र परियोजनाको प्रभावकारी कार्यान्वयनका लागि वातावरण शाखामा फोकल पर्सन तोक्ने भएको छ ।
ःगब्ल् र ध्ब्ल् ले भने यस परियोजनालाई भौतिक तथा प्रविधिक सहयोग प्रदान गर्ने बताइृउको छ । कुनै आर्थिक सहयोग नगर्ने उल्लेख गरिएको छ । नगरप्रमुख भट्टले सम्झौताले नगरपालिकाको सरसफाइ क्षेत्रमा दीर्घकालीन सुधार ल्याउने बताएका छन ।
अध्यक्ष ढुंगानाले देशभर समावेशी सरसफाइ प्रवद्र्धनका लागि गोदावरी नगरपालिकाको सहभागिता प्रेरणादायी हुने बताए । ऋध्क्ष्क् प्रणालीले सबै वर्ग र समुदायलाई लक्षित गरेर सुरक्षित र दिगो सरसफाइ सेवा सुनिश्चित गर्ने लक्ष्य राखेको उनले बताए । समझदारीले नेपालमा शहरी सरसफाइको गुणस्तर वृद्धि गर्दै मानव स्वास्थ्य, वातावरण र सामाजिक समावेशीतामा टेवा पु¥याउने अपेक्षा गरिएको उनले बताए ।
