असार ०६ डोटी । डोटीमा बोलेरो जिप दुर्घटना हुँदा तीन जनाको मृत्यु भएको छ भने पाँच जना घाइते भएका छन् ।
शुक्रबार आदर्श गाउँपालिका वडा नम्बर–१ खिराधारा धौलामाटी स्थित दिपायल सायल सडक खण्डमा सुप्रप ०१००१ ज १३९५ नम्बरको जिप दुर्घटना हुँदा तीन जनाको मृत्यु भएको हो भने पाँच जना घाइते भएका हुन ।
जिल्ला प्रहरी कार्यालय डोटीका प्रहरी निरीक्षक रामचन्द्र जोशीले दुर्घटनामा परि सायल गाउँपालिका वडा नम्बर–४ सुण्डकी ४१ वर्षीया हरुदेवि विक, जिप चालक आदर्श गाउँपालिका वडा नम्बर–७ दडिमानाका २७ वर्षीय सुरेश कार्की र सायल गाउँपालिका वडा नम्बर–६ कटुवाल गाउँकी ३५ वर्षीया काली कटुवालको मृत्यु भएको जानकारी गराए ।
दुई जनाको घटनास्थलमा र कालीको जिल्ला अस्पताल डोटीमा उपचारका क्रममा मृत्यु भएको उनदले जानकारी गराए ।
त्यसैगरी दुर्घटनामा परि आदर्श गाउँपालिका वडा नम्बर–३ नुवाकोटकी १४ बर्षीया अनिता विक, १६ ववर्षीया स्यानु विक, वडा नम्बर ७ दडिमाना बस्ने २२ वर्वीय कैलाश विष्ट,१४ वर्षीय दीपक विष्ट र मृतक काली कटुवालकी १० वर्षीया छोरी साविता कटुवाल घाइते भएको प्रहरी निरीक्षक जोशीले जानकारी गराए ।
घाइतेहरूको जिल्ला अस्पताल डोटीमा उपचार भइरहेको बताउदै उनले चार जनाको अवस्था गम्भीर रहेको जानकारी गराए ।
