फागुन २४ कञ्चनपुर । कञ्चनपुरको शुक्लाफाँटा नगरपालिका वडा नम्बर– ११ कलुवापुरस्थित वसन्त सामुदायिक वनमा दुई महिना देखि झोपडी बनाएर बस्दै आएकी अलपत्र उमा चौधरीको उद्धार गरिएको छ। नगरपालिकाले सञ्चालन गरेको सेफ हाउसले प्रहरीको सहयोगमा आज उनको उद्धार गरेको हो ।
उनलाई सुरक्षितरुपमा राख्नका लागि अन्य दातृ निकायले सञ्चालन गरेका सुरक्षित गृहमा पठाउने व्यवस्था भैरहेको बताइएको छ। उद्धार गरिएकी महिला डिप्रेसनमा रहेकीले मनोविर्मशको समेत आवश्यकता रहेको जनाइएको छ।
बेलौरी नगरपालिकाको कुण्डा घर भएकी चौधरीलाई श्रीमान् रामबहादुरले कुटपिट गरी छोराछोरी लगेर बेपत्ता भए पछि अपत्र परेकी उनी दुई महिना देखि वन क्षेत्रमा झोपडी बनाएर बस्दै आउनुका साथै नजिकैको गाउँबाट खाना मागेर खाँदै आएकी थिइन्।
वडाध्यक्ष दिलबहादुर बुढाले एक्लै महिला वन क्षेत्रमा तुसारो समेत नछेक्ने झोपडीमा बस्ने गरेकोे देखे पछि वन छेउकै मन्दिरमा साधु बस्ने कुटीको बरण्डामा बस्ने व्यवस्था मिलाएका थिए।
