फागुन ०९ धनगढी । धनगढीको एक रेष्टुरेन्टमा ७ महिना देखि बन्धक बनाईएका तीन जना किशोरीको प्रहरी द्वारा उद्धार गरिएको छ ।
जिल्ला प्रहरी कार्यालय कैलालीले धनगढी उप–महानगरपालिका वडा नम्बर ४ रातोपुलमा रहेको टिनटिन बार एण्ड रेष्टुरेन्टबाट ७ महिना देखि बन्धक बनाईएका तीन जना किशोरीको उद्धार गरेको हो । उक्त बारमा तीन जना किशोरीहरुलाई सात महिना देखि बन्धक बनाएर राखेको गुनासो आए पछि प्रहरीले उक्त बारमा छापा मारेको थियो । रेष्टुरेन्टका सञ्चालनले आफू बाहिर जाँदा ताला लगाएर जाने गरेको जिल्ला प्रहरी कार्यालय कैलाली जनाएको छ । बन्धक बनाएर राखेका तीन जना किशोरीको उद्धार गरिएको जिल्ला प्रहरी कार्यालय कैलाली जनाएको छ । जिल्ला प्रहरी कार्यालय कैलालीबाट डिएसपी रविन विष्टको कमाण्डमा खटिएको प्रहरी टोलीले उनीहरुको उद्धार गरेको जिल्ला प्रहरी कार्यालय कैलाली जनाएको छ ।