फागुन ०६ काठमाण्डौ । पछिल्लो २४ घण्टामा थप ४ सय ३७ जनामा कोरोना भाइरस संक्रमणको पुष्टि भएको छ ।
स्वास्थ्य तथा जनसंख्या मन्त्रालयका अनुसार ५ हजार १ सय ३३ जनाको पीसीआर परीक्षणमा २ सय ७५ जना र ३ हजार ९ सुय ५८ जनाको एन्टिजेन परीक्षण गर्दा १ सय ६२ जना गरी ४ सय ३७ जनामा संक्रमणको पुष्टि भएको हो ।
त्यसैगरी पछिल्लो २४ घण्टामा २ हजार ४ सय ५४ जना संक्रमणमुक्त भएका छन । यो संगै नेपालमा ९ लाख ४८ हजार ७ सय ८४ जना संक्रमणमुक्त भएका छन् ।
शुक्रबार थपिए सँगै नेपालमा कोरोना संक्रमितको कुल संख्या ११ लाख १३ हजार ५ सय ४४ पुगेको छ । त्यसैगरी कोरोना संक्रमणबाट २ जनाको मृत्यु भएको छ ।
योसँगै नेपालमा मृत्यु हुनेको संख्या ११ हजार ९ सय १३ पुगेको छ । मन्त्रालयका अनुसार हाल देशभर सक्रिय संक्रमितको संख्या १४ हजार ४ सय ३५ जना रहेका छन् । जसमध्ये १३ हजार ८ सय २८ जना होम आइसोलेसनमा रहेका छन् भने ६ सय ७ जना संस्थागत आइसोलेसनमा रहेका छन् ।
कोरोनाका बिरामी मध्ये १ सय ४४ जना आईसीयू र २३ जना भेन्टिलेटरमा उपचाररत् छन् । यस्तै १० वर्ष मुनिका ६ बालबालिकामा कोरोना संक्रमण पुष्टि भएको छ भने ११ देखि २० वर्ष उमेर समूहका १४ जना कोरोना संक्रमित थपिएका छन् । पछिल्लो २४ घण्टामा मुलुकमा एक लाख २४ हजार ८ सय ६७ जनाले कोरोना विरुद्धको खोप लगाएको स्वास्थ्य मन्त्रालयले जनाएको छ ।
