फागुन ०२ बाजुरा । बाजुराको बुढीगंगा नगरपालिकामा स्थानीयले तालाबन्दी गरेका छन् । नगरपालिका २ महिना देखि प्रमुख प्रशासकीय अधिकृत विहीन भएकाले स्थानीयले तालाबन्दी गरेका हुन ।
प्रमुख प्रशासकीय अधिकृत प्रेमकाजी महर्जन मंसिर १७ गते सरुवा भएर गए पछि २ महिना देखि प्रमुख प्रशासकीय अधिकृत नहुँदा स्थानीयलाई सेवा लिनै समस्या भएको छ ।
नगरपालिकामा प्रमुख प्रशासकीय अधिकृत नहुँदा मंसिर महिना देखि आर्थिक कारोबार समेत पूर्णरुपमा बन्द भएको छ ।
योजना सम्झौता भएर काम सम्पन्न भए पनि भुक्तानी नुहँदा उपभोक्ताहरु मारमा परेको तल्लो साइल गाउलेन बिस्तार समितिका अध्यक्ष बिमल थापाले जानकारी गराउनु भयो । पुसमै काम सकेर नगरपालिकामा सबै कागजात बुझाएको भए पनि कार्यकारी नभएकाले भुक्तानी नभएको थापाले जानकारी गराउनु
भयो ।
प्रमुख प्रशासकीय अधिकृत नहुँदा नगरपालिकाका शिक्षकहरुले ४ महिना देखि तलब समेत नपाएको उनले बताउनु भयो । त्यस्तैगरी कर्मचारीको तलब, सामाजिक सुरक्षा भत्ता, पोषण भत्ता वितरण हुन नसकेको स्वास्थ्य शाखा प्रमुख दिपक शाहले जानकारी
गराउनु भयो ।
नगर उप प्रमुख तारा खातीले ् कार्यकारीका लागि मन्त्रालयमा धेरैपटक प्रयास गरेको बताइन् ।