धनगढी, कैलालीको भासु भीरमा ट्रक दुर्घटना भएको छ। आइतबार बिहान रुपन्देहीबाट सुदूरपश्चिमको पहाडी जिल्लातर्फ गइरहेको लु२ख ७२५ नम्बरको ट्रक भीरबाट तल खसेको प्रदेश ट्राफिक कार्यालय अत्तरियाले जनाएको छ।
ट्रकमा चालक मात्रै रहेको र उनी पनि सकुशल रहेको प्रहरीले जनाएको छ। उनी प्रहरीको सम्पर्कमा नरहेपनि ट्रक मालिकको सम्पर्कमा रहेको प्रदेश ट्राफिक कार्यालयको भनाइ छ। भीमदत्त पन्त राजमार्ग अन्तर्गत पर्ने सडकबाट उक्त ट्रक करिब ३ सय मिटर तल खसेको बताइएको छ।
