माघ २५ डोटी । सेती प्राविधिक शिक्षालय दिपायलमा भएको अनियमितताका विषयमा छानबिन गर्न समिति गठन गरिएको छ । प्राविधिक शिक्षा तथा व्यावसायिक तालिम परिषद् सुदूरपश्चिम प्रदेशका उप निर्देशक देवसिंह धामीको नेतृत्वमा समिति गठन गरिएको हो ।

शिक्षालयमा आर्थिक लगायत अन्य विभिन्न विषयमा नियमितता भएको भन्ने उजुरी परेपछि प्राविधिक शिक्षा तथा व्यावसायिक तालिम परिषद् भक्तपुरले उपनिर्देशक धामीको नेतृत्वमा छानबिन समिति गठन गरेको हो । समितिले मंगलबार देखि काम सुरु गरेको बताईएको छ । समितिमा जिल्ला प्रशासन र कोलेनिका प्रतिनिधि रहेका छन् भने शिक्षालय प्रमुख वीरेन्द्रबाबु यादवलाई जिम्मेवारीबाट हटाइएको छ ।