माघ १३ धनगढी
कोरोनाको जोखिम बढेपछि कैलालीका १३ मध्ये पाँच वटा स्थानीय तहले अत्यावश्यक बाहेकका सेवा बन्द गरेका छन् । धनगढी उप महानगरपालीका, भजनी नगरपालिका, गोदावरी नगरपालिका, गौरीगंगा नगरपालिका र जोशीपुर गाउँपालिकाले सूचना जारी गर्दै सेवा बन्द
गरेका हुन् ।
धनगढी उप महानगरपालिकाले सूचना जारी गर्दै बुधबार देखि अत्यावश्यक बाहेकका सबै सेवा माघ १८ गतेसम्म बन्द रहने जानकारी गराएको छ भने भजनी नगरपालिकाले माघ १३ देखि १९ गते सम्म अत्यावश्यक बाहेकका सेवा बन्द गर्ने निर्णय गरेको निमित्त प्रमुख प्रशासकीय अधिकृत चन्द्रदेव भट्टले जानकारी गराएका छन । त्यस्तैगरी, गोदावरी नगरपालिकाले माघ ९ देखि १५ गतेसम्म अत्यावश्यक बाहेकका सेवा बन्द रहने जानकारी गराएको छ । जोशीपुर गाउँपालिकाले पनि माघ ११ देखि १८ गतेसम्म अत्यावश्यक बाहेकका सेवा बन्द गरेको प्रमुख प्रशासकीय अधिकृत कमलराज उपाध्यायले जानकारी जानकारी गराउनु भयो । गौरीगंगा नगरपालिकाले माघ १२ देखि अर्को सूचना जारी नभए सम्मका लागि अत्यावश्यक बाहेकका सेवा बन्द गरेको प्रमुख प्रशासकीय अधिकृत हरिदत्त भट्टले जानकारी गराउनु भयो ।
कार्यालयका केही कर्मचारीहरूलाई कोभिड–१९ संक्रमणको पुष्टि भएको र केही कर्मचारीलाई मिल्दोजुल्दो लक्षण देखा परेर आइसोलेसनमा रहेकोले सेवाग्राहीमा फैलने जोखिम बढे पछि सेवा बन्द गर्नु परेको बताएका छन् । यस अवधिमा अत्यावश्यक स्वास्थ्य, सरसफाइ, दमकल र एम्बुलेन्स सेवा बन्द नहुने भएका छन ।