अहिले कोरोनाको संक्रमणले गर्दा विश्व त्रसीत बन्दै गएको छ । नेपाल पनि यसको त्रासबाट अछूतो रहन सकेको छैन । तर पनि नेपालले र नेपाली जन्ताहरुले कोरोनाको संक्रमणसंग जुद्धै गएका छन । यसको संक्रमण भएका बेला अति आवश्य सिटामोल लगायतका अत्यावश्यक औषधिलाई सहज रुपमा उपलव्ध गराउन सबै तहका सरकाले समयमै बन्दोबस्त मीलाउन आवश्यक छ । संक्रमण बढ्दै गएको अबश्थामा सिटामोल लगायतका औषधीहरुको अभाव नहोस भनेर सर्वोच्च अदालतले सरकारका नाममा अन्तरिम आदेश समेत जारी गरेको छ । अधिवक्ता टीकाबहादुर कुँवर सहितले दायर गरेको रिटमाथि मंगलबार सुनुवाइ गर्दै न्यायाधीश मनोजकुमार शर्माको एकल इजलासले नागरिकलाई सिटामोल लगायतका अत्यावश्यक औषधि उपलव्ध गराउन सरकारको नाममा अन्तरिम आदेश जारी गरेको हो । कोरोना संक्रमणको समयमा उपचारमा आवश्यक पर्ने सिटामोल लगायतका औषधि सहज रुपमा उपलव्ध गराउन सरकारले अन्तरिम आदेशको पालना गर्न आवश्यक छ । सबै तहका सरकारहरूबीच समन्वय गरी स्वास्थ्य उपचारको लागि आवश्यक पर्ने सिटामोल र प्यारासिटामोल लगायतका औषधिहरू सहज रुपमा उपलब्ध गराउन आवश्यक छ । सरकार जन्ता प्रति उत्तरदायी बन्न जरुरी छ ।