माघ ५ धनगढी, जिल्ला प्रहरी कार्यालय कैलालीको तथ्याङ्क अनुसार चालु आर्थिक वर्ष २०७८÷७९ को ६ महिनामा ७८ वट लागु औषध मुद्दामा १ सय ७ जना पक्राउ परेका छन् । १ सय ४ जना पुरुष र ३ जना महिला गरी १ सय ७ जना पक्राउ परेको तथ्याङकले देखाएको हो । चालु आर्थिक वर्षको साउन देखि पुस मसान्त सम्म १ सय ७ जना पक्राउ गरेको जिल्ल प्रहरी कार्यालय कैलीका प्रवक्ता तथा प्रहरी नायव उपरीक्षक वेद प्रकाश जोशीले जानकारी गराए । त्यसैगरी गत आर्थिक वर्ष २०७४÷७५ मा जिल्ला प्रहरी कार्यालय कैलालीमा दर्ता भएका ७१ वटा लागु औषध सम्बन्धी मुद्दामा १ सय ८ जनालाई पक्राउ गरिएकोमा २०७५÷७६ मा दर्ता भएका ८७ वटा मुद्दामा १ सय १७ लाई पक्राउ गरिएको प्रहरीको तथ्याङ्कले देलखाएको छ । त्यस्तैगरी २०७६÷७७ मा दर्ता भएका ९८ वटा मुद्दामा १ सय ६१ जनालाई पक्राउ गरिएकोे थियो भने २०७७÷०७८ मा १ सय ३२ जना लागु औषध प्रयोगकतालार्ई पक्राउ गरिएको थियो । जसमा ९१ वटा मुद्दा दर्ता भएका थिए । लागुऔषधको ओसारपसार रोक्न भन्सारमा कडाइ गरिए पनि खुल्ला सिमानाकाका कारण लागूऔषध ओसार पसारमा संलग्नहरूलाई नियन्त्रणमा लिन कठिनाइ भइरहेको प्रहरी नायव उपरीक्षक जोशीले बताउनु भयो ।
नेपालमा प्रतिबन्धित औषधिहरू सीमा नजिकैको भारतीय बजारमा भने खुलेआम विक्री वितरण हुने भएका कारण नियन्त्रणमा समस्या हुने गरेको उनले बताए । खास गरी १६–३५ वर्षमाथिका युवाहरु कुलतमा फस्ने गरेको बताउदै उनले लागु औषधि ओसार पसारमा लाग्ने गरेको पाईएको जानकारी गराए ।