माघ १४ कञ्चनपुर,
कञ्चनपुरको शुक्लाफाँटा नगरपालिकामा फोहरमैला व्यवस्थापन केन्द्र निर्माणको बाटो खुलेको छ। बुधबार सरकारले वन क्षेत्रको जग्गाको भोगाधिकार दिने निर्णय गरे पछि फोहरमैला व्यवस्थापन केन्द्र निर्माणको बाटो खुलेको हो।
वन तथा वातावरण मन्त्रालयले फोहरमैला व्यवस्थापन केन्द्र निर्माणका लागि सामुदायिक वन क्षेत्रको जग्गाको भोगाधिकार दिने निर्णय गरेको नगर प्रमुख दिलबहादुर ऐरले बताउनु भयो । ‘मन्त्रालयले सामुदायिक वन क्षेत्रको जग्गामा फोहरमैला व्यवस्थापन केन्द्र निर्माणका लागि स्वीकृति प्रदान नगर्दा तीन वर्षदेखि कार्य अलपत्र परेको नगर प्रमुख ऐरले बताउनु भयो । उनले ‘सामुदायिक वनको नौ बिघा १० कट्ठा जग्गामा ३० करोड रूपैयाँ लागतमा केन्द्र निर्माणका लागि बाटो खुलेको जानाकरी गराएका हुन । बाटो खुले पछि चाँडै ठेक्का प्रक्रिया मार्फत निर्माण कार्य अगाडी बढाईने उनले जानकारी गराए ।
सामुदायिक वनले केन्द्र निर्माणका लागि जग्गा उपलव्ध गराउने निर्णय गरे पनि डिभिजन वन कार्यालय कञ्चनपुरले नेपाल सरकारबाट जग्गाको भोगाधिकार नआउँदा सम्म फोहर व्यवस्थापन केन्द्र निर्माणको कार्य अगाडी बढन नसकेको उनले बताए । जग्गाको भोगाधिकार प्राप्त गर्नका लागि मन्त्रिपरिषद्को बैठकको निर्णय मात्र वैधानिक हुने तर नगरले यस्तो वैधानिकता प्राप्त नगरेको बताउदै वन कार्यालयले निर्माण गर्न रोक लगाउँदै आएको उनले बताए । केन्द्र निर्माणका लागि माटो परीक्षण र प्रारम्भिक वातावरणीय परिक्षण र वातावरणीय प्रभाव मूल्याङको कार्य यस अघिनै गरि सकिएको उनले बताए ।
एसियाली विकास बैंकले सञ्चलन गरेको क्षेत्रीय शहरी विकास योजना अन्तर्गत फोहरमैला व्यवस्थापन केन्द्र निर्माणलाई पहिलो सर्तका रुपमा राखिएको अध्यक्ष ऐरले जानाकरी गराए । क्षेत्रीय शहरी विकास योजनाको २० वर्षे योजनाको पहिलो चरण अन्तर्गत फोहरमैला व्यवस्थापन केन्द्र सहित अन्य पूर्वाधार निर्माणका कार्यक्रम नगरपालिकामा अघि बढेको अध्यक्ष ऐरले बताउनु भयो । बैंकको सहुलियत ऋण सहयोगमा चार किलोमिटर सडक र नगरपालिका भवन निर्माणको कार्य अघि बढेको समेत उनले जानकारी गराए ।
