फागुन १९ कञ्चनपुर । कञ्चनपुरको शुक्लाफाँटा नगरपालिका वडा नम्बर–७ जुडाका वीरसिंह ठुगुन्नाको बेतबासका समाग्री बनाएर जीवन शैली नै बदलिएको छ ।
गाउँकै समूहबाट बेतबाँसका सामग्री बनाउने १७ दिनको तालिम लिएर उद्योगी बनेका उनको आमदानी बढ्दै गए पछि जीवनशैली बदलिएको हो । एक दशक अघि सुनदेवी उपभोक्ता समूहमा आबद्ध भएर बेतबाँसका सामग्री बनाउने सीप सिकेका ठगुन्नाले सीप सिके पछि व्यावसायिक रुपमा काम गर्दै आएका छन । बेतबाँसबाट ठगुन्नाले हेङ्गर, टेबुल, कुर्सी, सोफा, ¥याक, टोकरी, मुढा लगायत घर सजावटका सामग्री बनाउँदै आएको बताए ।
तालिममा सिकेको सीपलाई निर्खादै जाँदा बेतबाँसका सामग्री बनाउने सफल व्यवसायीका रुपमा परिचित भएका उनले मासिक ३० हजार देखि ७० हजार रुपैयाँ सम्म कमाइ गर्दै आएका छन् । माग अनुसार बेतबाँसका सामग्री बनाएर बिक्री गर्दै आएको बताउदै उनले महिनामा ५० देखि एक सय सम्म सामग्री निर्माण गर्दै आएको बताउनु भयो ।
लागत खर्च कटाएर सोचे अनुसार नै आम्दानी हुने गरेको बताउदै उनले विगतका वर्षमा कमाउनकै लागि भारत जाने गरेको भए पनि सीप सिकेपछि घरमै बसीबसी आम्दानी हुन थालेको बताए । कच्ची घरमा बस्दै आएका उनले बेतबाँसकै सामग्री निर्माण गरी बेचेर कमाएको रकमले गाँउमै पक्की घर समेत बनाएको जानकारी गराए ।
छोरालाई उच्च शिक्षा पढाउनका लागि काठमाडौं पठाएका उनले घर खर्चसँगै छोरोको पढाई खर्च सबै बेतबाँसका सामग्री बनाएर बेच्दा भएको आम्दानीले धन्दैै आएको बताए । उनले सीप सिके पछि पनि व्यवसायलाई अगाडि बढाउन पैसा नभएको बताउदै गाउँकै समूहबाट मासिक छ प्रतिशत ब्याज तिर्ने गरी ५० हजार रुपैयाँ कर्जा लिएर ब्याबसाय सुरु गरेको बताउनु भयो ।
’ कर्जा लिएको रकमले कैलालीका सामुदायिक वनबाट बेत र स्थानीय क्षेत्रबाट बाँस खरिद गरी काम सुरु गरेको जानकारी गराउदै उनल्े त्यसबाट आम्दानी गरेर ब्याज सहित कर्जाको रकम चुक्ता गरेको बताउनु भयो । वडा कार्यालयले कामको मूल्याङ्कन गरी एक लाख रुपैयाँ अनुदान रकम दिए पछि काम गर्न सहज भएको बताउदै उनले वडाको एक लाख अनुदानसँगै समूहबाट दुई लाख कर्जा लिएर ठगुन्ना बेतबाँस हस्तकला उद्योग दर्ता गरी ब्याबसाय सञ्चालन गरेको उनले बताए ।
बजारमा माग अनुसारका बेतबाँसका सामग्री बनाएर बेच्ने योजना रहेको बताउदै उनले अनुदानमा पाएको रकम र समूहबाट लिएको कर्जाको रकम बेतबाँस खरिद गर्न र किला, पेन्ट खरिदमा खर्च हुने गरेको उनले बताए । बेतबाँसबाट बनेका सामग्री ४ सय देखि १ हजार रुपैयाँ सम्ममा बिक्री हुने गरेको उनले बताए । खर्च कटाएर एक सामग्रीबाट १ सय देखि ३ सय सम्म नाफा हुने गरेको बताउदै उनले हातैले बुनेका बेतबाँसका सामग्री स्थानीय बजार,डडेल्धुरा,बैतडी र बझाङ सम्म पु¥याएर बिक्री गरिंदै आएको छ ।
उद्योगलाई कमाइ गर्ने साधन मात्रै नबनाएर बेतबाँसको तालिम केन्द्रका रुपमा विकास गर्ने योजना रहेको उनले बताए । त्यसैगरी वडाध्यक्ष जगतबहादुर सिंहले थोरै दिनको तालिम लिएर गतिलो काम गरेर देखाएकाले वडाबाट अनुदान रकम प्रदान गरी प्रोत्साहित गरिएको जानकारी गराए ।
‘स्वरोजगार भएर अरुका लागि प्रेरणाका स्रोत बनेका ठगुन्नालाई आर्थिक सहयोग गरेको बताउदै उनले सीप भएर पनि लगानी गर्ने रकम नपाएर बसेका युवालाई निरन्तर रुपमा सहयोग सहयोग गर्ने उनले बताए ।’उनले वडाका आधा दर्जन बढी युवालाई स्वरोजगारका कार्यक्रम सञ्चालन गर्नका लागि सहयोग गरिएको जानकारी गराए ।
