फागुन ०८ धनगढी । नेपाल कम्युनिस्ट पार्टी निकट भातृ संगठन अखिल क्रान्तिकारी कैलाली जिल्ला समिति द्वारा राष्ट्रघाती सम्झौता एम सी सी खारेजीको माग गर्दै कैलालीको धनगढीमा विरोध र्याली निकालिएको छ । संगठनले उक्त सम्झौता देशको राष्ट्रियता, स्वाभिमान, स्वाधीनता ,सार्वभौमसत्ताको विरुद्धमा रहेको भन्दै विरोध प्रदर्शन गरेको हो ।
विरोध प्रदर्शन पछि आयोजित कोणसभालाई सम्बोधन गर्दै अखिल क्रान्तिकारीका केन्द्रिय सचिव वीरेन्द्र शाहले यो देशका संसदवादी दलालहरुले बदनियतपूर्ण तरिकाले आफ्नो देशको राष्ट्रियता अमेरिकालाई बेच्ने कुचेष्टा गरिरहेको बताउँदै आफ्नो संगठन , पार्टीले यो सम्झौता खारेज नगर्दा सम्म निरन्तर संघर्स गर्ने बताएँ । नेता शाहले भने, “आजसम्मका जति पनि राष्ट्रघाती सम्झौता गरिएका छन् त्यसमा कांग्रेसको नै अग्रसरता रहेको आरोप लगाउँदै अहिले एमसीसी सम्झौता लागू गर्नमा पनि कांग्रेस पार्टी मुख्य भूमिका रहेको बताए । उनले कुनै पनि हालतमा यो सम्झौतालाई लागू हुन नदिने बताउदैअमेरिकाले विकाशको नाममा नेपालका प्राकृतिक स्रोत साधनको दोहन गर्ने लक्ष्य सहित नेपाल भित्रिने योजना अमेरीकाले बनाएको बताए । यो देशका न्यायप्रेमी आम युवा विद्यार्थीहरुले उक्त सम्झौता खारेज गर्नुपर्ने छ र यसका लागि आफ्नो संगठन जस्तोसुकै किसिमको प्रतिरोध गर्न तयार रहेको सचिब शाहले बताए ।
उक्त विरोध जुलुसमा राष्ट्रघाती सम्झौता एमसीसी खारेज गर, गो ब्याक अमेरिका,दलालहरु होसियार, संसदीय व्यवस्था मुर्दाबाद,अखिल क्रान्तिकारी जिन्दाबाद जस्ता नारा सहभागी आन्दोलनकर्ताले लगाएका थिए । विभिन्न स्कूल, कलेजहरुका बाट आन्दोलनमा आएका विद्यार्थी र संगठनका नेताहरुको सहभागिता सहित नाराबाजी गर्दै जुलुस अन्तिममा आन्दोलनकारीले कैलालीको जिल्ला प्रशासन कार्यालय घेराऊ गरेका थियो र त्यही प्रशासन कार्यालयको गेटमा कोणसभा गरी कार्यक्रम समापन गरिएको हो ।
