फागुन ०५ कञ्चनपुर । नेत्र विक्रम चन्द विप्लव नेतृत्वको नेपाल कम्युनिष्ट पार्टी कञ्चनपुरले महाकाली नदीको चार लेन पुलको पहुँच मार्गमा गुणस्तरहीन सामाग्री प्रयोग गरेको भन्दै विरोध गरेको छ ।
महाकाली पुल परियोजना अन्र्तगत निर्माण भईरहेको पहचमार्गमा कमशल समाग्रीको प्रयोग भएकाले पार्टीको झण्डा र ब्यानर गाडेर विरोध गरेको नेकपाले जनाएको छ ।
बिहीबार नेत्रविक्रम चन्द नेतृत्वको नेपाल कम्युनिष्ट पार्टी कञ्चनपुरका जिल्ला सचिब रमेश परियार र अन्य नेता कार्यकर्ताले भिमदत्त नगरपालीका वडा नम्बर १२ स्थित निर्माण कार्य भईरहेको क्षेत्रमा गएर गुणस्तरहीन सामाग्री प्रयोग गरेको भन्दै झण्डा सहित ब्यानर गाडेर विरोध गरेका हुन । केही महिना अघि आएको बाढीले पहुँच मार्ग भत्काए पछि ठेकेदार कम्पनीले पुनः निर्माण गरिरहेको छ ।
कमशल समाग्री प्रयोग गरेर गुणस्तरीय सामाग्री प्रयोग नगर्दा बाढीले तटबन्ध भत्काएको नेपा र स्थानियले बताएका छन । नेपाल कम्युनिष्ट पार्टी कञ्चनपुरले सडक मापदण्ड अनुसारको सामाग्री प्रयोग नगरेको काममा ढीलासुस्ती गरी स्थानीयलाई दुख दिएको, भिम दध्नगरपालीकालाई तिर्नु पर्ने १८ करोड कर नतिरेको जानकारी गराएको छ । त्यसैगरी निर्माण कम्पनीले पुल निर्माणको साटो महाकाली नदीको स्रोत दोहन गर्नुका साथै राज्यलाई कर नतिर्ने र सडक निर्माण गर्दा गुणस्तहिन सामाग्रीको प्रयोग गरेकाले बिरोधमा पार्टीले चेतावनी स्वरुप पुल निर्माण क्षेत्रमा झण्डा र ब्यानर टाँसेको नेकपाका नेता दिपेन्द्र सिह ऐरीले जानकारी गराए ।
उनले मापदण्ड विपरित भएको कामले गर्दा स्थानियलाई हुने सम्पूर्ण क्षतीको जिम्मा सम्बन्धित निकाय र निर्माण कम्पनीले लिनु पर्ने बताउदै अहिले चेतावनी मात्रै दिएको बताए ।
यदी निर्माण कम्पनी सीएफएसी जेभीले आफ्नो कमिकमजोरी सुधार नगरे जनकारबाही गर्न बाध्य हुने नेकपाले विज्ञप्ती मार्फत जानकारी गराएको छ ।
केही दिन अघि महाकाली नदी तटिय क्षेत्रका स्थानीय सहित जनप्रतिनिधीले ठेकेदार सिएफसिई जेभी बिरुद्धमा आन्दोलन समेत गरेका थिए ।
निर्माण कम्पनीले काम गरिरहेको महाकाली पुल आयोजनाले जनाएको छ । आयोजनाका अनुसार निर्माण कम्पनीले एक महिना भित्रै भत्किएको पहुँचमार्ग बनाउने उदेश्यका साथ काम भईरहेको छ । निर्माण कम्पनिका हिक्मत ठगुन्नाले कम्पनिले दिएको मापदण्ड अनुसार काम भईरहेको जानकारी उदै सबै तिरबाट दबाब आईरहेकाले बाध्यात्मक अबश्थामा काम गर्नु परेको बताए ।
