जेठ १८ बाजुरा । बाजुरामा ट्याक्टर दुर्घटना हुँदा चालक घाइते भएका छन् । बडीमालिका नगरपालिका वडा नम्बर२ भौनेरामा सोमबार बिहान ट्याक्टर दुर्घटना हुँदा चालक घाइते भएका हुन् ।
जिल्ला प्रहरी कार्यालय बाजुराका प्रहरी निरीक्षक गगनसिंह भाटका अनुसार मार्तडी गौमुल पक्की सडक खण्ड अन्तर्गत भौनेरा क्षेत्रमा गुडिरहेको से २ त ३६४८ नम्बरको ट्याक्टरको ब्रेक फेल भई दुर्घटना भएको हो ।
दुर्घटनामा ट्याक्टर चालक कैलालीको गोदावरी नगरपालिका स्थायी घर भएका २२ वर्षीय दीपेन्द्र चौधरी घाइते भएका छन् । उनको ढाड र खुट्टामा चोट लागेको प्रहरीले जनाएको छ ।
घाइते चौधरीको जिल्ला अस्पताल बाजुरामा उपचार भइरहेको छ । घटनाबारे थप अनुसन्धान भइरहेको जिल्ला प्रहरी कार्यालय बाजुराले जनाएको छ ।
