चैत्र ३० धनगढी । धनगढी–अत्तरिया ६ लेन सडक खण्डमा ट्याक्टर र मोटरसाइकल ठोक्किँदा घाइते भएका कैलालीको गोदावरीका दीपक बोगटीको मृत्यु भएको छ ।
शनिवार बेलुकी से २ त १५१२ नम्बरको ट्याक्टर र सुदूरपश्चिम प्रदेश ०१००८ प ५७८८ नम्बरको मोटरसाइकल एक आपसमा ठोक्किदा घाईते भएका बोगटीको मृत्यु भएको हो । उक्त दुर्घटनामा मोटरसाइकल चालक गोदावरी नगरपालिका वडाख नम्बर–६ लालपुरका ४२ वर्षीय दीपक बोगटी गम्भीर घाइते भएका थिए ।
बोगटीको उपचारका क्रममा भारतको बरेलीमा आइतवार राती ११ बजे मृत्यु भएको जिल्ला ट्राफिक प्रहरी कार्यालय कैलालीले जनाएको छ । दुर्घटनामा घाइते भएकी मोटरसाइकलमा सवार १७ वर्षीया हेमा जोशीको उपचार भइरहेको प्रहरीले जनाएको छ ।
ट्याक्टर चालक गोदावरी नगरपालिका वडा नम्बर–५ का ३२ वर्षीय हरिचन्द्र चौधरीलाई ट्याकटर सहित नियन्त्रणमा लिएको प्रहरीले जानकारी गराएको छ ।
