नेकपा एमाले कैलालीको नेतृत्व चयनका लागि निर्वाचन प्रकृया शुरु भएको छ । मनोनयन दर्ता प्रकृयाका लागि फाराम बाँड्ने कार्यक्रम सुरु भएको नेकपा एमालेका सुदूरपश्चिम प्रदेश सचिव धर्मराज पाठकले रातोपाटीलाई जानकारी दिए ।
यद्यपि अन्तिम समयसम्म सहमतिको प्रयास पनि सँगसँगै जारी रहने उनको भनाइ छ । ‘सहमतिको प्रयास पनि जारी छ, यदि भएन भने हुन्छ ।’
शनिबार दिउँसो निर्वाचन कमिटीले निर्वाचन तालिका सार्वजनिक गरिसकेको छ । जसअनुसार दिउँसो ३ बजेदेखि ३ः३० बजेसम्म अन्तिम मतदाता नामावली प्रकाशन र ४ बजेदेखि ५ बजे सम्म उम्मेदवारी दर्ताको समय तोकिएको छ । साँझ ७ः३० देखि ८ः३० बजे सम्म अन्तिम नामावली प्रकाशन गरिने छ ।
यस्तै आईतबार ८ः३० बजेदेखि १ः३० बजेसम्म मतदान हुने कार्यतालिका रहेको उनले बताए । मतदान सकिएपछि मतगणना गरिनेछ । ।
जिल्ला अध्यक्षका लागि वर्तमान अध्यक्ष रतन थापा, रणबहादुर चन्द र डेजी पाण्डेले दाबी गरेका छन्। सुदूरपश्चिमका अन्य जिल्लामा भने बन्दसत्र शुरु भएको उनले बताए ।
