पौष १३ धनगढी । धनगढी उपमहानगरपालिकाले जुठे दमाई छात्रवृत्ति अन्र्तगत े ५ सय ७६ जनालाई शैक्षिक सामाग्री वितरण गर्ने भएको छ । उपमहानरपालिकाले वार्षिक निति तथा कार्यक्रम अनुसार आर्थिक वर्ष २०८२÷०८३ मा ५ सय ७६ जनालाई जुठे दमाई छात्रवृत्ति वितरण अन्र्तगत शैक्षिक सामाग्री वितरण गर्ने भएको हो ।
उपमहानगरपालीकाले आइतवार देखि शैक्षिक सामाग्री वितरण गर्न सुरु गरेको छ । धनगढी उपमहानगरपालीका वडा नम्बर–१६ मा रहेको शिव माध्यमिक विद्यालयमा कक्षा ८ देखि १० सम्म अध्ययनरत दलित छात्राहरूलाई नगर प्रमुख गोपाल हमाल र उप–प्रमुख कन्दकलाकुमारी रानाले शैक्षिक सामाग्री वितरण गरेका छन ।
जुठे दमाई छात्रवृत्ति अन्तर्गत धनगढीका सामुदायिक विद्यालयमा कक्षा ८ देखि १० सम्म अध्ययनरत दलित छात्राहरूलाई शैक्षिक सामग्री प्रदान गरिने उपमहानरपालिकाले जनाएको छ ।
यस वर्ष जुठे दमाई छात्रवृत्ति कार्यक्रम अन्तर्गत धनगढीका सामुदायिक विद्यालयमा कक्षा ८ देखि १० सम्म अध्ययनरत ५ सय ७६ जना दलित छात्रालाई शैक्षिक सामग्री वितरण गरिने शिक्षा माहाशाखा प्रमुख घुम्मनसिंह बडायकले जानकारी गराए । उनीहरूलाई झोला, एक दर्जन कापी र एक दर्जन कलम प्रदान गरिने उनले बताए ।
