चैत्र १० धनगढी । धनगढीमा विश्व नेपाली नारी साहित्य महोत्सव शुरु भएको छ । सुदूरपश्चिम साहित्य समाजको आयोजनामा शुक्रबार दिउँसो १२ बजे सुदूरपश्चिम साहित्य समाजको प्राङ्गणमा महोत्सव सुरु भएको हो । महोत्सवको उद्घाटन सुदुरपश्चिम प्रदेशका मुख्यमन्त्री कमलबहादुर शाहले गरेका हुन । शुक्रबार सुरु भएको महोत्सव १३ गतेसम्म सञ्चालन हुने जनाइएको छ । महोत्सवको उद्घाटन पछि मन्त्य राख्दै मुख्यमन्त्री कमल बहादूर शाहले देशभरी तथा अन्य देशका साहित्यकार सहितको उपस्थिती रहेको विश्व नारी साहित्य महोत्सवले सुदूरपश्चिमको कला संस्कृतीको संरक्षण संगै सम्भावनाको पहिचान गर्ने बताए ।
मुख्यमन्त्री शाहले साहित्यिक क्षेत्रबाट गर्न सकिने कामका लागी सँधै साहित्यकारसगं सहकार्य गर्ने प्रतिबद्धता समेत ब्यक्त गरे । साहित्यका क्षेत्रबाट सुदूरपश्चिम प्रदेशको संस्कृतीको पहिचानसंगै जगेर्ना हुने बताउदै मुख्य मन्त्री शाहले सम्भावना बारे नेतृत्व तहको ध्यानाकर्षण हुने बताए । मुख्य मन्त्री शाहले यस्ता सम्मेलन र महोत्सवबाट पहिचान हुने सम्भावनाको अध्ययन गरी संरक्षण र प्रबद्र्धनमा नेतृत्वले ध्यान दिन सके परिवर्तन चाँडै आउने बताए । त्यसैगरी नेकपा एमालेका नेता तथा माननीय कर्ण थापाले कला संस्कृती र पहिचान कसैले गुमाउन नहुने बताउदै यसता मेला महोत्सबले संरक्षण गर्ने बताए । उनले साहित्यका माध्यामबाट परिबर्त छिटो हुने बताउदै हरेक देश परिबर्तनका आन्दोलनहरुमा कला संस्कृती र साहित्यको महत्वपूर्ण भूमीका रहेको बताए ।
उनले यस्ता कार्यक्रमहरु गरेर सुदूरपश्चिमलाई विश्वभर चिनाउने काम गरेकोमा सुदूरपश्चिमाञ्चल साहित्य समाजलाई धनयबाद ज्ञापन गरे । सुदूरपश्चिमको कला संस्कृती र यहाँको पछौटेपनलाई उजागर गर्ने उद्देश्यले धनगढीमा विश्व नेपाली नारी साहित्य महोत्सव शुरु भएको हो । महोत्सवमा सुदूरपश्चिमको कला झल्किने झाँकी प्रस्तुत गरिएका छन्, भने ४ दिन यहाँका सम्भावना लगायतका बिषयमा समेत सम्वाद र बहस समेत हुने छ । नेपाली भाषाको उद्गमस्थलका रुपमा चिनिने सुदूरपश्चिमको कला संस्कृती र यहाँको पछौटेपनलाई उजागर गर्ने उद्देश्यले धनगढीमा विश्व नेपाली नारी साहित्य महोत्सव शुरु भएको महोत्सव संयोजक यज्ञराज उपाध्यायले बताए ।
सुदूरपश्चिमको इतिहाँस र यहाँको कला संस्कृतीबारे श्रस्टाहरुका कलम चलुन भन्ने हेतुले देश तथा बिदेशका श्रस्टाहरुलाई यस महोत्सवमा निम्त्याइएको उनले भने । ४ दिनसम्म चल्ने महोत्सवमा बिभिन्न बिषयमा सम्बाद समेत हुने जनाइएको छ । महोत्सवमा भारतका विभिन्न राज्य, अमेरिका, भूटान, म्यानमार लगायतका देशहरूबाट दुई सय बढी नारी साहित्य स्रष्टाहरूको सहभागीता रहने छ ।
महोत्सवमा विलक्षण प्रतिभाशाली बालिका प्रिन्सा रेग्मी, स्थापित समाजसेवी अनुराधा कोइराला, मधेसका मुर्धन्य साहित्यकार राजेन्द्र विमल, गजलकार तिलक पेला, अन्तर्राष्ट्रिय साहित्य समाजका अध्यक्ष पदम विश्वकर्मा लगायतको सहभागीता रहेको छ । समारोहमा विलक्षण साहित्यिक प्रतिभा झमक घिमिरेलाई सम्मान गरिएको छ । साहित्यकार झमकलाई एक लाख ११ हजार रुपैयाँ राशीको बद्रि–कृष्णा बाङ्गमय पुरस्कार प्रदान गरिएको हो ।
उनि संगै अन्य बिभिन्न ब्यक्तीहरुलाइ पनि बिभिन्न बिधामा सम्मान गरिएको छ । साहित्य महोत्सवले सुदूरपश्चिमको कला संस्कृती बिश्वसामु चिनिने अपेक्षा राखिएको छ । यहाँको संस्कृती बारे मात्रै नभई यहाँको गरिबी, पछौटेपनका बिषयमा पनि बहस हुने आयोजकले बताएको छ । साहित्यका माध्यमबाट संस्कृतीको पहिचन संगै समस्या र सम्भावनाको उजागर हुने अपेक्षा लिइएको छ ।
विश्व नेपाली नारी साहित्य सम्मेलनमा भारतका विभिन्न राज्य, अमेरिका, भुटान, म्यानमार लगायतका देशहरूबाट दुई सय बढी नारी साहित्य स्रष्टाहरूको सहभागीता रहेको साहित्य समाजका अध्यक्ष तीर्थराज पाण्डेयले बताए । महोत्सवको सञ्चालन समाजका महासचिव गणेश नेपालीले गर्नु भएको थियो ।
