भदौ २४ काठमाण्डौ । पछिल्लो २४ घण्टामा देशभर थप १ सय ५२ जनामा कोरोना सङ्क्रमणको पुष्टि भएको छ । स्वास्थ्य तथा जनसङ्ख्या मन्त्रालयका अनुसार कुल तीन हजार २ सय ९४ जनाको कोरोना परीक्षण गर्दा १ सय ५२ जनामा सङ्क्रमणको पुष्टि भएको हो ।
एक हजार १ सय ६८ जनाको पीसीआर परीक्षण गर्दा १ सय १० जना र दुई हजार १ सय ८ जनाको एन्टिजेन परीक्षण गर्दा ४२ जनामा कोरोना सङ्क्रमण देखिएको मन्त्रालयले जनाएको छ ।
स्वास्थ्य मन्त्रालयका अनुसार पछिल्लो २४ घण्टामा १ सय ३३ जना सङ्क्रमणमुक्त भएका छन् भने दुई जनाको मृत्यु भएको छ । त्यस्तै, हाल देशमा सक्रिय सङ्क्रमितको सङ्ख्या दुई हजार ४ सय ४८
रहेको छ ।
