असार १२ धनगढी । धनगढीमा तीन दिन देखि बेपत्ता बालकको हत्या गरेको अवस्थामा शव भेटिएको छ । बुधबार साँझ देखि बेपत्ता भएका धनगढी उपमहानगर पालिका वडा नम्बर–१७ को उत्तरखैरेनी मुक्त कमैया शिविरका निमेश चौधरी र राधा चौधरीका १० वर्षीय छोरा तनुज चौधरीको हत्या गरेको अवस्थामा शुक्रबार स्थानीय जंगलमा शव भेटिएको हो ।
जिल्ला प्रहरी कार्यालय कैलालीका अनुसार प्रहरी र स्थानीयले खोज्ने क्रममा चौधरी जंगलमा मृत भेटिएका हुन् । उनले चढ्दै आएको साइकल समेत शव नजिकै फेला परेको छ ।
उनको शव भेटिएको स्थानमा रगत लत्तपतिएका ढुंगा पनि भेटिएका छन् । बालकको शव आधा सडेको अवस्थामा रहेको छ ।
प्रहरीले बालक मृत भेटिएको घटनाको अनुुसन्धान गरिरहेको छ । मृतक चौधरी उर्मा बोर्डिङ स्कुलमा दुई कक्षामा अध्ययनरत विद्यार्थी हुन ।
