माघ २६ धनगढी । सुदूरपश्चिम प्रदेशको मुख्यमन्त्रीमा नेपाली कांग्रेसका कमलबहादुर शाह नियुक्त भएका छन् । निवर्तमान मुख्यमन्त्री राजेन्द्र सिंह रावलले बहुमत गुमाइ पद्मुक्त भए पछि संविधानको धारा १६८ को उपधारा (३) बमोजिम नेपाली कांग्रेस संसदीय दलको नेता शाह मुख्य मन्त्रीमा नियुक्त भएका हुन ।
बिहीबार बसेको बैठकमा सत्ता साझेदार दल नागरिक उन्मुक्ति पार्टी अनुपस्थित भए पछि रावलले विश्वासको मत पाउन सकेनन् । मुख्यमन्त्री रावलले विश्वासको मत नपाएकोृ अबश्थामा संविधानको धारा १६८ को उपधारा ३ अनुसार ठुलो दलका हिसाबले काँग्रेस संसदीय दलका नेता कमल शाह मुख्यमन्त्री बनेका हुन । उनलाई प्रदेश प्रमुख देवराज जोशीले मुख्यमन्त्रीमा नियुक्त गरेका हुन् ।
विहीबार बेलुकी मुख्यमन्त्रीमा नियुक्त भएका शाहले आज पद तथा गोपनीयताको शपथग्रहण गर्ने कार्यक्रम रहेको प्रदेश प्रमुखको कार्यालयले जनाएको छ । प्रदेश सभा बैठकमा सत्ता साझेदार दल नागरिक उन्मुक्ति पार्टीका प्रदेश सभा सदस्य अनुपस्थित भएपछि मुख्यमन्त्री रावलले विश्वासको मत पाउन सकेनन् । जसले गर्दा उनको सरकारले पूर्णता नपाउँदै ३० दिनमा ढलेको छ ।
५३ सदस्यीय प्रदेश सभामा कुनै पनि दलको एकल बहुमत छैन । सुदूरपश्चिममा सरकार गठनका लागि २७ सांसद आवश्यक पर्छन् । प्रदेशसभामा नेपाली काँग्रेसका १९, नेकपा एकीकृत समाजवादी ४ र एक जना स्वतन्त्र सांसद छन् ।
यस्तै, नेकपा माओवादी केन्द्र ११ (सभामुख सहित), नेकपा एमाले १० (उपसभामुख सहित), र राप्रपाका १ जना सांसद छन् । भने नागरिक उन्मुक्तिका ७ जना सांसद रहेका छन् ।
