माघ १२ कपिलवस्तु । नेपाल कम्युनिस्ट पार्टीको नवौं केन्द्रिय समितिको तेस्रो पुर्ण बैठक ६ महिने आवधिक योजना निर्माण गर्दै सम्पन्न भएको छ। कपिलवस्तु स्थित पार्टीको केन्द्रिय कार्यालयमा गत मङ्गलबार देखि शुरु भएको बैठक आज सम्पन्न भएको हो ।
बैठकमा समापन मन्तव्य व्यक्त गर्दै महासचिव विप्लवले ूनेपालको आर्थिक, सामाजिक संकटले देशको जिम्मा लिने ऐतिहासिक जिम्मेवारी नेपाल कम्युनिस्ट पार्टीको काधमा आएको बताउदै पार्टीले त्यो कार्यभार पुरा गर्न सहि बिचार , योजना र नितिले मात्रै सम्भव हुने बताउनु भयो । एकपटक सम्पूर्ण केन्द्रिय समिति र पार्टी साहसपूर्वक लाग्नु पर्ने बताउदै महासचिव विप्लवले क्रान्तिकारी आन्दोलनको क्रममा आउन सक्ने कुनैपनि सम्भावनालाई चुम्न र पहल लिन निर्देशन दिनु भयो ।
नेपाल कम्युनिस्ट पार्टीका महासचिव विप्लवद्वारा प्रस्तुत पार्टी योजनालाई कडाइपूर्वक लागु गरौ, एकीकृत जनक्रान्तिलाई अगाडि बढाऔ, शिर्षकको दस्तावेज माथि केन्द्रिय सदस्यहरुले धारण राखे पछि एकमतले दस्तावेज पास गर्दै आगामी ६ महिनाका लागि राजनीतिक , बैचारिक , आर्थिक , संगठन , संघर्ष र प्रचार प्रसार सम्बन्धि आवधिक योजना निर्माण सहित बैठक सम्पन्न भएको हो।
बैठकले केन्द्रिय सदस्यहरुको भौगोलिक कार्य बिभाजन र नवौ महाधिवेशन पछि निर्माण गर्न बाँकी रहेका पार्टीका विभिन्न बिभाग र संयन्त्रहरु समेत गठन गरेको स्रोतले जानकारी गराएको छ।
बैठकमा सहभागी एक जना केन्द्रिय सदस्यका अनुसार ६ सदस्यीय स्थायी कमिटी सदस्यहरु मध्ये पार्टीको बिदेश बिभाग, अर्थ बिभाग र पार्टी प्रबक्ताको जिम्मेवारी स्थायी कमिटी सदस्य प्रकाण्ड लाई जिम्मा दिईएको छ भने सत्ता र जनपरिषदको जिम्मा बिषम सी, प्रकाशन तथा प्रचार बिभाग इन्चार्ज गोकुल सी,स्कुलिङ बिभाग इन्चार्ज भरत सी र जनवर्गीय संगठन तथा मोर्चा इन्चार्ज शिलु सी लाई दिईएको छ ।
