मंसिर २२ बाँके । बाँकेको नरैनापुर गाँउपालिका अध्यक्ष इश्तियाक अहमद शाहले लुम्बिनी प्रदेशका मुख्यमन्त्री कुल प्रसाद केसी र अर्थ सहकारी मन्त्री कृष्ण ध्वज खड्कबीच भेटवार्ता भएको छ ।
मुख्यमन्त्री कार्यालय भालुवाङमा भएको भेटमा नरैनापुर गाँउपालिकाको विकास, सुशासन, सेवा प्रवाह र सन्तानेश्वर मन्दीरको विषयमा छलफल भएको बताईएको छ ।
भेटमा मन्त्री केसीले लुम्बिनी प्रदेश सरकारले नरैनापुर गाँउपालिकाको विकासका लागि नयाँ सरकार गठन पूर्व नै केही महत्वपूर्ण योजना सुरु गर्ने प्रतिबद्धता व्ब्यक्त गर्नु भएको अध्यक्ष इश्तियाक अहमद शाहले बताए । त्यसैगरी अर्थ मन्त्री खडकले अध्यक्ष शाहसंगको भेटमा नरैनापुर सबै भन्दा पछाडि परेको पालिका भएकोले नरैनापुरमा शिक्षा, स्वास्थ्य र यातायातका लागि सरकारले विशेष व्प्याकेज ल्याउन जरुरी रहेको बताउनु भयो ।
नरैनापुर गाँउपालिका अध्यक्ष शाहले अर्थ मन्त्री खड्कासंग हुलाकी सडक देखि रोसन पूर्वा सम्मको रोड र मटेहिया देखि सोनपूर्वा सम्मको सडक निर्माणका लागि बजेट माग गरेको बताउनु भयो ।
अर्थ मन्त्री खड्काले तत्काल दुई वटा सडक मध्य एउटा सडक निमार्णका लागि बजेट हाल्ने अश्वासन दिएको अध्यक्ष इश्तियाक अहमद शाहले बताउनु भयो ।
मन्त्री खडकले मन्त्रालयका सचिव नेत्र सुबेदीलाई नरैनापुरको सडक निमार्णका लागि माग भएको रकम ब्यवस्थापन गर्न निर्देशन दिएसंगै सचिव सुबेदीले मटेहिया देखि सोनपूर्वा सम्मको रोड निर्माणका लागि चाहिने बजेट एक साता भित्रै पठाउने बताउनु भएको उनले बताए ।
अध्यक्षसंगै मन्त्रीलाई भेटन बाँके क्षेत्र नं. १ (क) बाट निर्वाचित प्रदेश सभा सदस्य कृष्ण केसी नमूना, नरैनापुरका लेखापाल प्रकाश अधिकारी लगायतको टोली गएको थियो ।
