चैत्र २९ कञ्चनपुर । कञ्चनपुरमा जातीय भेदभाव तथा छुवाछूत सम्बन्धी मुद्दामा प्रहरीले एक जनालाई पक्राउ गरेको छ । दलित समुदायलाई लक्षित गर्दै गालीगलौज, सार्वजनिक अपमान, बहिष्कार तथा भेदभाव गरिएको मुद्धामा प्रहरीले एक जनालाई पक्राउ गरेको हो ।
सामुदायिक वनमा गस्तीका क्रममा फेला परेको बेवारिसे काठ घरमा राखिएको अवस्थामा, उक्त काठ कसैलाई नसोधी लगेर तस्करलाई बिक्री गरिएको विषयमा सोधपुछ गर्दा विवाद उत्पन्न भएको बताइएको छ ।
सोही विषयमा चैत्र २४ गते जाहेरी दर्ता भएको जिल्ला प्रहरी कार्यालय कञ्चनपुरले जनाएको छ । प्रहरी निरीक्षक डम्बरदत्त भट्टले ‘डुम’ भनेर अपमानजनक शब्द प्रयोग गर्दै दलित समुदायका व्यक्तिलाई जातीय विभेद गरेको आरोपमा ती ब्याक्तिलाई पक्राउ गरेको बताए ।
घटना भीमदत्त नगरपालिका वडा नम्बर–७ मा भएको बताउदै उनले पीडित र आरोपितको नाम सार्वजनिक गर्न नमिल्ने बताए । पक्राउ गरिएका व्यक्तिमाथि थप अनुसन्धान भइरहेको उनले बताए ।
