चैत्र २९ कञ्चनपुर । कञ्चनपुरको बेलौरीबाट प्रहरीले भारतबाट अवैध रूपमा तस्करी गरी ल्याइएको १ सय लिटर डिजेल बरामद गरेको छ । शनिवार इलाका प्रहरी कार्यालय बेलौरीको टोलीले कञ्चनपुरको बेलौरी नगरपालिका वडा नम्बर–१ स्थित फटिया सीमा क्षेत्रबाट प्रहरीले अवैध रूपमा तस्करी गरी ल्याइएको १ सय लिटर डिजेल बरामद गरेको हो ।
बेलौरी प्रहरीका अनुसार ५०–५० लिटर क्षमताका दुई वटा जर्किनमा भरिएको उक्त डिजेल बेवारिसे अवस्थामा फेला परिएको थियो । बरामद गरिएको डिजेललाई आवश्यक कानुनी प्रक्रिया पूरा गरी कारबाहीका लागि सम्बन्धित भन्सार कार्यालयमा पठाएको प्रहरीले जनाएको छ ।
नेपालमा पेट्रोलियम पदार्थको मूल्य वृद्धि भएपछि सीमावती क्षेत्र्रबाट पछिल्लो समय इन्धन लगायतका अन्य दैनिक उपभोग्य वस्तुहरूको तस्करी बढ्दै गएको बताइएको छ ।
