चैत्र ०९ धनगढी । सुदूरपश्चिम प्रदेशको उद्योग, पर्यटन, वन तथा वातावरण मन्त्रालयको आयोजनामा जलयात्रा महोत्सव सुरु भएको छ ।‘पर्यटन पूर्वाधार, समृद्ध प्रदेशको आधार’ भन्ने नारा सहित सोमबार डोटीको सेती नदीबाट सुरु भएको महोत्सव कैलाली हुँदै कर्णाली नदी मार्गबाट टीकापुर सम्म ¥याफ्टिङ गरिने कार्यक्रम सहित सुरु भएको हो ।
मन्त्रालय अन्तर्गतको प्रदेश पर्यटन विकास कार्यक्रम कार्यान्वयन इकाइले आयोजना गरेको महोत्सवमा डोटीको बोगटान फुड्सिल गाउँपालिकाले सहकार्य गरेको छ भने नेपाल पर्यटन बोर्डले प्रवद्र्धन गरेको छ ।
यसमा कैलालीको मोहन्याल गाउँपालिका, सुर्खेतको पञ्चपुरी नगरपालिका र बर्दियाको ठाकुरबाबा नगरपालिकाको समेत सहकार्य रहेको छ । महोत्सवमा २५ जना विदेशी पर्यटक र २५ जना नेपाली जलयात्रा गाइड तथा चालकहरूको सहभागिता रहेको छ ।
प्राविधिक सहयोग कर्णाली ¥याफ्टिङ एन्ड एडभेन्चर प्रालि, चिसापानीले गरेको छ । कम्पनीका देवराज जैसीका अनुसार यसअघि सेती देखि कर्णाली हुँदै चिसापानी सम्म जलयात्राको परीक्षण भइसकेको छ ।
प्रदेश पर्यटन कार्यक्रमका प्रमुख डबलबहादुर बोहराले जलयात्राले लामो दूरीको ¥याफ्टिङ सम्भाव्यता अध्ययन गर्नुका साथै साहसिक पर्यटन प्रवद्र्धनमा टेवा पुग्ने बताए । उनले आन्तरिक तथा बाह्य पर्यटक आकर्षित गर्न कार्यक्रम प्रभावकारी हुने बताए ।
उद्योग, पर्यटन, वन तथा वातावरण मन्त्रालयका सचिव दीर्घनारायण कोइरालाले सेती नदीमा सहभागीहरूलाई स्वागत गर्दै महोत्सवको शुभारम्भ गरेका थिए । सहभागीहरू आइतबार ै दिपायल पुगेका थिए ।
महोत्सवलाई बुद्ध एयरलाइन्स, होटल एल अफ ठमेल, सालिनी बाटिका तथा इको रिसोर्ट गोदावरी, रिभरसाइड होटल दिपायल र वर्षा होटल दिपायल डोटीले समेत सहयोग गरेका छन् ।
