चैत्र ०२ डोटी । फागुन २१ गते सम्पन्न प्रतिनिधि सभा सदस्य निर्वाचनमा चहलपहल बढेका डोटीका गाउँघर र्बिाचन सकिएसंगै सुनसान हुन थालेका छन् । मतदानका लागि गाउँ फर्किएका मतदाताहरू फेरि आफ्नो कार्यस्थल र बसोबासका स्थानतर्फ फर्किन थालेपछि ग्रामीण बस्तीहरू सुनसान हुन थालेका हुन ।
मतदानमा सहभागी हुन भारत लगायत जिल्ला बाहिर अध्ययन, रोजगारी र बसोबासका लागि गएका नागरिकहरू गाउँ फर्किए पछि केही समयका लागि स्थानीय बस्तीहरूमा निकै चहलपहल देखिएको भए पनि अहिले गाउबस्ति सुनसान बन्न थालेका हुन । डोटीको सायल गाउँपालिका वडा नम्बर ४ का डम्मर भुलले “मतदाता नामावलीमा नाम डोटीमै भएकाले भोट हाल्न आएको बताउदै फेरि कैलाली फकिएको बताए ।
भूकम्पले घर चर्किएपछि परिवार सहित कैलाली बसाइँ सरेको बताउदै उनले चुनावका लागि गाउँ आएका धेरैजसो अहिले फर्किसकेको बताए । निर्वाचनका बेला विभिन्न ठाउँमा बसोबास गरिरहेका मतदाताहरू आफ्नो मताधिकार प्रयोग गर्न गाउँ फर्किएका थिए । विशेषगरी जिल्ला सदरमुकाम, काठमाडौँ, धनगढी तथा छिमेकी देश भारत लगायतका स्थानमा अध्ययन तथा रोजगारी गरिरहेका नागरिकहरू मतदानका लागि गाउँ फर्किएका थिए ।
डोटीका ग्रामीण क्षेत्रहरू बसाइँसराइ, अध्ययन र रोजगारीका कारण वर्षभरि नै सुनसान जस्तै देखिने गरेका छन । चाडपर्वमा मात्र चहलपहल बढ्ने गाउँहरूमा लामो समय पछि मतदाता फर्किँदा उत्साह र रौनक देखिएको थियो । भोट माग्न आउने राजनीतिक दलका नेता–कार्यकर्ता, आफन्त र साथीभाइसँगको भेटघाटका कारण गाउँका चोक, पसल, बजार र घरआँगनमा केही दिन चहलपहल बढेको स्थानीयले बताएका छन् ।
निर्वाचन सम्पन्न भएसँगै गाउँघर फेरि पुरानै अ बश्थामा फर्किन थालेको ृउनीहरुले बताउका छन । डोटीमा प्रतिनिधि सभा सदस्यका लागि एक मात्र निर्वाचन क्षेत्र रहेको छ । मुख्य निर्वाचन अधिकृतको कार्यालयका अनुसार जिल्लामा ४० प्रतिशत मतदाताले मतदान गरेका थिए ।
