फागुन २७ बाजुरा । नेकपा (एमाले) जिल्ला कमिटी बाजुराले पार्टीको निर्णय विपरीत गतिविधि गरेको आरोपमा जिल्ला कमिटी सदस्य तथा बुढीनन्दा नगरपालिका वडा नम्बर ६ का वडाअध्यक्ष गजेन्द्र शाहीलाई पार्टीबाट निलम्वन गरेको छ ।
जिल्ला कमिटीले प्रतिनिधिसभा सदस्य निर्वाचनमा पार्टीका आधिकारिक उम्मेदवार विरुद्ध विद्रोही उम्मेदवारलाई सहयोग गरेको, पार्टी अनुशासन विपरीत गतिविधिमा संलग्न भएको तथा पार्टी हितविपरीत काम गरेको ठहर गर्दै कार्बाही गरिएको जनाएको छ ।
पार्टीको विधान र अनुशासन विपरीत कार्य गरेकाले नेकपा एमाले जिल्ला कमिटी बाजुराले पार्टी अनुशासन विपरीत गतिविधि गरेको आरोपमा बुढीनन्दा नगरपालिका वडा नम्बर ६ का वडा अध्यक्ष तथा जिल्ला कमिटी सदस्य गजेन्द्र शाहीलाई पार्टीको साधारण सदस्य समेत नरहने गरि कार्वाही गरेको नेकपा एमाले जिल्ला कमिटि बाजुराले जनाएको छ ।
जिल्ला कमिटी बाजुराले प्रतिनिधिसभा सदस्य निर्वाचन २०८२ का क्रममा पार्टीका आधिकारिक उम्मेदवार विरुद्ध गतिविधि गरेको तथा अर्को दलका उम्मेदवारको पक्षमा मत मागेको भन्ने अडियो सामाजिक सञ्जालमा सार्वजनिक भएको उल्लेख गरिएको छ ।
उक्त विषयलाई गम्भीर रूपमा लिँदै पार्टीको विधान र अनुशासन विपरीत काम गरेका पाईएकोले साधारण सदस्य समेत नरहने गरी कार्वाही गरेको जनाइएको छ ।
