प्रदिप मलासी,फागुन २० बझाङ्ग । फागुन २१ गते हुने प्रतिनिधिसभा सदस्यको निर्वाचनमा खटिएका बझाङ्गका एक जना मतदान अधिकृत एमाले बझाङ्गका नेता कार्यकर्ताको गोप्य भोजमा सहभागी भएका छन ।
बझाङ्ग प्रतिनिधि सभा अन्तर्गत बिथ्थडचिर गाउपालिका वडा नम्बर ९ स्थित धारी आधारभूत विद्यालयको मतदान केन्द्रमा खटाइएका मतदान अधिकृत उत्तम धामी एमाले बझाङ्गका नेता कार्यकर्ताको गोप्य भोजमा सहभागी भएका हुन ।
गाउको तल्लो धारीमा नेकपा एमालेका पूर्व वडाध्यक्ष कलक बहादुर बिष्ट २०७९ को स्थानीय तह निर्वाचनमा वडा अध्यक्षका उम्मेद्वार अम्मर बिष्ट र ईन्द्र ब बिष्टले मंगलबार राती आयोजना गरेको गोप्य भोजमा सहभागी भएका मतदान अधिकृत धामीले अत्याधिक मदिरा सेवन गरि निर्वाचनको गोपनिता भङ्ग हुने गतिबिधि गरेको बताईएको छ ।
दुर्गाथली गाउँपालिका वडा नम्बर ३ रकैयल स्वास्थ्थ चौकिमा कार्यरत सिनियर अहेब उत्तम धामीले निर्वाचन अधिकृतको जिम्मेवारी प्राप्तगरी जिल्लाकै बिथ्थडचिर गाउपालिका वडा नम्बर ९ मा रहेको धारी आधारभुत बिध्यालय मतदान केन्द्रमा निर्वाचन अधिकृतको रुपमा खटाईएको थियो ।
स्थानिय धन बहादुर बिष्टका अनुसार मतदान अधिकृत उत्तम धामीले नेकपा एमालेले गरेको गोप्य रात्रि भोजमा सहभागी भई मदिरा सेवन गरेर निर्वाचनका गतिबिधिका बिषयमा एमाले नेता कार्यकर्तासंग छलफल गरिरहेका बेला गाउँका स्थानीयले बिरोध गरेपछि त्यहाँबाट निर्वाचन अधिकृत धामी भागेको बताए ।
मुख्य निर्वाचन अधिकृत सुर्वणमान बनेपालीका अनुसार निर्वाचनका समयमा कुनै पनि मतदान अधिकृतले राजनितिक दलका नेता कार्यकर्ताले आयोजना गरेका कार्यक्रममा जान नमिल्ने र गएको अबस्था अनुसन्धान मार्फत खुल्न गएमा कानुन अनुसार कार्वाही गरिनुका साथै फिर्ता बोलाई अर्को व्यक्ति लाई पठाउने बताएका छन ।
उक्त घटनाका बारेमा थप अनुसन्धान भईरहेकाले निर्वाचनको ऐन कानुन बिपरित कार्य गरिएको ठहरिएमा मतदान अधिकृत उत्तम धामीलाई नियम संग्गत कार्वाही गरिने उनले बताए ।
बिथ्थडचिर गाउँपालिका वडा नम्बर९ को धारि आधारभुत बिध्यालय मतदान केन्द्र तल्लो धारिवाट १ सय मिटर पश्चिमतीर आयोजना गरिएको गोप्य रात्री भोजमा ७ हजार बराबर पर्ने १ खसी १५ केजि चामल २ कार्टुन बियर र १ कार्टुन रहर नाम गरेको न्यून स्तरको मदिराको प्रयोग गरिएको बताइएको छ ।
