फागुन १९ धनगढी । कर्णाली नदीको बगरमा पुनिराम थारूले प्याजखेती गर्दै आएका छन । टीकापुर नगरपालिका वडा नम्बर–८ का पुनिराम थारूले कर्णाली नदीको बगरमा प्याजखेती गर्दै आएका हुन । पाँच वर्षदेखि नदीको किनार र टापुमा बगरखेती गर्दै आएका उनले प्याजखेतीलाई प्राथमिकता दिएर प्याजखेती गर्दै आएका हुन ।
बालुवायुक्त जमिनमा प्याजले राम्रो उत्पादन दिने बताउदै उनले बर्षेनी १० देखि १२ क्विन्टल सम्म प्याज उत्पादन गर्दै आएको बताए । धनिया, मकै, बन्दागोभी र टमाटर समेत खेती गर्दै आएको उनले बताए । बालुवामा प्याज राम्रो फस्टाउने बताउदै उनले सिँचाइ सजिलो हुँदा उत्पादन अझ राम्रो हुने बताए । खेर गइरहेको बगरको सदुपयोग गरी आम्दानीको स्रोत बनाृउको उनले बताए ।
राजापुर नगरपालिका जोड्ने सत्ती पुल आसपास क्षेत्र अहिले प्याजखेतीले भरिएको छ । ढुङ्गारहित बालुवामा साना–साना प्लट बनाएर लहरै उनले प्याज लगाएका छन । वडा नंम्बर८ फाँटागाउँका करिब ५०–६० घरपरिवारले बगर तथा नदी टापुमा प्याजखेती गर्दै आएका छन् । बर्षेनी बगरखेती गर्नेको संख्या बढ्दो क्रममा रहेको छ ।
बगर क्षेत्रबाट मात्र वार्षिक करिब ७ सय क्विन्टल भन्दा बढी प्याज उत्पादन हुने गरेको छ । एक परिवारले न्यूनतम पाँच देखि छ क्विन्टल सम्म उत्पादन गर्ने गरेका छन् । स्थानीय सम्झनी चौधरीले अन्य खेतबारीको तुलनामा बगरमा लगाएको प्याजले बढी उत्पादन दिने गरेको बताईन । बटनपुरकी सम्पुर्नी चौधरीले यस वर्ष पहिलोपटक नदीको टापुमा पाँच केजी प्याज रोपेको बताईन ।
अरूले राम्रो उत्पादन गरेको देखेर आफुले पनि सुरु गरेको बताउदै उनले उत्पादनले उत्साहित बनाएको बताईन । सोचेभन्दा राम्रो उत्पादन भएकोब ताउदै उनले बालुवा भित्रको जमिन ओसिलो हुँदा घामपानी सन्तुलित मिलेकाले उत्पादन बढ्ने बताईन । त्यसैगरी पहारी चौधरीले पनि पहिलोपटक बगरमा प्याजखेती सुरु गरेको बताए ।
सुरुमा घरायसी आवश्यकताका लागि मात्र रोपेको बताउदै उनले आगामी वर्ष व्यावसायिक रूपमा विस्तार गर्ने योजना बनाएको बताए । बगरमा खेती गरेबाफत कसैलाई शुल्क नतिर्नु परेकाले किसान झन् उत्साहित भएका छन् । अहिले बगरबाट अस्वाभाविक रूपमा आम्दानी हुन थालेपछि स्थानीयवासीमा उत्साह थपिएको छ ।
सामान्य मलखाद र कम मिहेनतमा राम्रो उत्पादन भएपछि किसानले वर्षायामको पीडा बिर्सन थालेका छन् । वर्षात्को समयमा त्रास दिने कर्णाली नदीको किनारको बालुवामा स्थानीयले बगरखेती गरेर आयआर्जन गर्दै आएका छन ।
