फागुन ०१ धनगढी । सुदूरपश्चिम प्रदेशमा भ्रष्टाचारका उजुरी पर्ने क्रम बढ्दै गएको छ । सुदूरपश्चिम प्रदेशमा पछिल्ला आर्थिक वर्षहरुमा भ्रष्टाचारका उजुरी पर्ने क्रम बढ्दै गएको हो । आयोगमा वर्षेनी १ हजार भन्दा बढी उजुरी पर्ने गरेका छन ।
अख्तियार दुरुपयोग अनुसन्धान आयोग कञ्चनपुरका अनुसार १२ वर्षको अवधिमा ११ हजार ९ सय ५२ उजुरी दर्ता भएका छन् । जसमध्ये ११ हजार ४ सय ९ उजुरी फच्र्याेट भइसकेका छन् भने ५ सय ४३ वटा उजुरी बाँकी रहेका छन् ।
अख्तियार दुरुपयोग अनुसन्धान आयोगको कञ्चनपुर कार्यालयले बुधबार ३५ औँ स्थापना दिवसको अवसरमा सार्वजनिक गरेको तथ्यांक अनुसार आर्थिक वर्ष ०७०÷७१ मा ७ सय ४९, ०७१÷७२ मा एक हजार १ सय २६, ०७२÷७३ मा ९ सय ५८, ०७३÷७४ मा ६ सय ४४ र ०७४÷७५ मा ५ सय ८८ उजुरी दर्ता भएका छन ।
त्यसैगरी, ०७५÷७६ मा ७ सय ३४, ०७६÷७७ मा ९ सय १२, ०७७÷७८ मा ९ सय ७, ०७८÷७९ मा ७ सय ७, ०७९÷८० मा एक हजार २ सय ७३, ०८१÷८२ मा एक हजार १ सय ९८ र चालू आर्थिक वर्ष ०८२÷८३ को हाल सम्म ६ सय ८६ उजुरी दर्ता भएका छन् ।
चालू आर्थिक वर्षको माघ २६ गते सम्म सबैभन्दा बढी कैलालीबाट २ सय ९२ तथा सबैभन्दा कम डडेलधुराबाट ७६ उजुरी दर्ता भएका छन् । त्यसैगरी, कञ्चनपुरमा १ सय ९२, अछाममा १ सय २४, बाजुरामा १ सय २०, बैतडीमा ९५, बझाङमा ८७, दार्चुलामा ८३, डोटीमा ७९ उजुरी दर्ता भएका छन् ।
चालू आर्थिक वर्षमा ६ सय १० उजुरी फच्र्याेट गरिएकोमा ५ सय ३८ अझै बाँकी रहेका छन् । अख्तियारको कञ्चनपुर कार्यालयका प्रमुख वेदप्रसाद भण्डारीले हाल जिल्लाबाट ११ वटा मुद्दा विशेष अदालतमा दर्ता गरिएको जानकारी गराउदै १ स्ट्रिङ अपरेसन गरिएको बताए ।
जिल्ला समन्वय समिति कञ्चनपुरका प्रमुख दुर्गादत्त बोहराले सार्वजनिक निकायमा कार्यरत कर्मचारीले नागरिकलाई अख्तियार देखाएर काम नगर्ने प्रवृत्ति पनि भ्रष्टाचार भएकाले त्यसतर्फ समेत सचेत हुनु पर्ने बताए । सुदूरपश्चिम प्रदेश सरकारका मुख्य सचिव वैकुण्ठप्रसाद अर्यालले भ्रष्टाचार निवारणका लागि सार्वजनिक निकायमा कार्यरत कर्मचारी स्वयं नैतिकवान हुनु पर्ने बताए ।
