साउन २३ अछाम । अछामको साँफेबगरमा इलाका प्रशासन कार्यालय स्थापना गर्न अर्थ मन्त्रालयले अनुमती दिएको छ ।
अर्थ मन्त्रालयले बिहिबार साँफेबगरमा इलाका प्रशासन कार्यालय स्थापना गर्नका लागि अनुमती दिएको हो । जिल्ला समन्वय समितिका प्रमुख ललित बहादुर कुँवरले अर्थ मन्त्रालयबाट अनुमती पाएको जानकारी प्राप्त भएको बताए ।
भौगोलिक कठिनाई र सेवाग्राहीलाई सहज रुपमा प्रशासनको सेवा प्रवाह गर्न अछाम क्षेत्र नम्बरं १ को साँफेबगरमा इलाका प्रशासन कार्यालय स्थापनाको लागी लामो समय देखि माग गर्दै आएको उनले बताए ।
सोही विषयमा स्थानीय तहको सिफारिसमा जिल्ला समन्वय समिति अछामका प्रमुख कुँवरको नेतृत्वमा प्रक्रिया अगाडि बढेको थियोे ।
तत्कालीन प्रमुख जिल्ला अधिकारी शरद कुमार पोखरेल मार्फत स्थानीय तहका सिफारिस र जिल्ला समन्वय समितिको सिफारिस सहित गृह मन्त्रालयमा इलाका प्रशासन कार्यालय स्थापनाका लागि माग गरिएको थियो ।
अव आवश्यक जनशक्ति, भौतिक पूर्वाधार लगायत अन्य संरचनाको गृह मन्त्रालले अध्ययन गरेर चाँडै स्थापना हुने विश्वास गरिएको प्रमुख कुँवरले बताए । अन्य आवश्यक व्यवस्थापनको लागि जिल्ला समन्वय समितिको तर्फबाट सहयोग र सहजिकरण भई राख्ने कुँवरले बताए ।
