फागुन १२ कालीकोट । नेपाल कम्युनिष्ट पार्टीका महासचिव विप्लव सीले नेपालको राजनीति उत्पादनसँग नजोडिदा विदेशीको अगाडि झुक्ने ठाउँमा पुगेको बताएका छन् ।
नेकपा कालिकोटले फोईमा आयोजना गरेको स्याउ रोपण कार्यक्रमको उद्घाटनका लागि फोईमा पुगेका महासचिव विप्लवले स्वागत पछि सम्वोधन गर्दै नेपालको राजनीति उत्पादनसँग नजोडिदा विदेशीको आगाडि झुक्ने ठाउँमा पुगेको बताउका हुन ।
नेपालको ६०÷७० वर्षको राजनीति एक अर्कोको आलोचनामा मात्र घुमेको र उत्पादनबाट विमुख भएको बताउदै उनले ६०÷७० वर्षको राजनीतिमा कृषि उत्पादनमा जोड नदिएको बताए । उद्योग कलकारखाना बनाउनेमा पनि जोड नदिएको बताउदै उनले भएको पैसाको पनि सहि सदुपयोग नभएका बताए ।
जनताको जीवन परिवर्तन हुने गरी उत्पादनको योजना कुनै पार्टीसंग नभएकाले देशका नेताहरु दलाल हुन थालेको बताउदै उनले विदेशीको मुख ताकेर बस्ने भएकाले नेपाल पछाडि परेको बताए । उनले नेपालका अरु राजनीतिक पार्टीहरु देशको उत्पादनमा नलागेर सरकार ढाल्ने र बनाउने खेलमा मात्र लागेको आरोप लगाए ।
महासचिव विप्लवले नेपालका सबै पार्टीहरु चन्दा मागेर खाने, भ्रष्टाचार गर्ने, कमिसन खाएर चल्ने गरेको बताउदै नेपाल कम्युनिष्ट पार्टी आत्मनिर्भरको आर्थिक क्रान्तिमा लागेको बताए । महासचिव विप्लवले नेता कार्यकता र पार्टीलाई आत्मनिर्भर बनाउदै जनतालाई समेत आत्मनिर्भर बनाउनका लागि जुम्ला कालिकोटमा स्याउ रोप्न पुगेको बताए । उनले देशभर नेकपा उत्पादनमा केन्द्रीत भएकोे र डेढ वर्षमै पार्टीलाई आत्मनिर्भर बनाउने ठाउँमा पुगेको बताए ।
महासचिव विप्लवले एक पटक जनताको जीवनस्तर परिवर्तन हुनेगरी काम गरेर देखाउने इच्छा भएको बताउदै जनतालाई अवसर दिन पनि आग्रह गरे । महासचिव विप्लवले नेपालमा दलाल पुँजीवादी सत्ताबाट समस्या समाधान नहुने ठोकुवा गर्दै समाजवाद नेपालमा अनिवार्य भएको बताए । महासचिव विप्लवलाई फोईवासी जनताले स्याउको माला लगाएर भव्य स्वागत समेत गरेका थिए ।
महासचिव विप्लवले फोईमा स्याउ रोपेका छन । भने फागनु १४ गते रास्कोटमा हुने जनसभालाई सम्बोधन गर्ने कार्यक्रम रहेको छ । त्यसैगरी नेपाल कम्युनिष्ट पार्टीका महासचिव विप्लवले जय स्याउ ! जय समाजवाद ! भन्दै जुम्लाको धौलापानीमा पनि आईतवार स्याउ रोपेका छन ।
नेपालमा दलाल पुँजीवादको अन्त्य गर्दै समाजवाद ल्याउन र समाजवादी अर्थतन्त्रको जग बसाल्न जय स्याउ ! जय समाजवाद ! भन्लै उनले स्याउ रोपेका हुन । महासचिव विप्लवले जय स्याउ ! जय समाजवाद ! भन्दा सहभागीहरु खुसी भएका थिए । महासचिव विप्लव लगायतका नेताहरुको टिमले करिब १ सय बढी स्याउ रोप्ने खाल्डा पनि खनेका थिए । विहान खाल्डा खनेर स्याउ रोपीएको थियो ।
नेपाल पत्रकार महासंघ जुम्ला शाखाका अध्यक्ष पूर्ण प्रसाद चौलागाईले नेकपाको स्याउ रोप्ने कदम सबैको लागि अनुकरणीय भएको बताउदै बधाई दिएका थिए । जुम्लाको धौलापानीमा आईतवार सुरक्षाकर्मीहरुले समेत विप्लबसंगै स्याउ रोपेका थिए । सुरक्षाकर्मीहरुले नेकपाले स्याउ रोपेको कार्य सबैलाई शिक्षा दिन लाएक भएको बताएका थिए । सुरक्षाकर्मीहरुले स्याउका विरुवाहरु हातमा लिएर स्याउ रोप्न बनाईएका खाल्डाहरुमा स्याउका विरुवाहरु रोपेका थिए ।
उनीहरुले नेकपा जस्तै सबै पार्टीका नेताहरुले कृषि उत्पादनमा लागेको भए देश नयाँ ठाउँमा जाने विश्वास पनि व्यक्त गरेका थिए । विप्लवसंगै स्याउ रोप्न रोल्पाबाट पत्रकार गोपाल चन्द र पत्रकार केपी गुरुङ पनि जुम्ला पुगेका थिए । विप्लवको स्याउ रोप्ने अभियानमा स्थानीय जनताको पनि उल्लेखिय सहभागीता रहेको थियो । नेकपाले १ हजार स्याउका विरुवा रोपेको हो ।
