बैशाख २८ धनगढी । सुदूरपश्चिमाञ्चल साहित्य समाज, धनगढीले सुदूरपश्चिम प्रदेशकै सर्बाधिक राशीको पुरस्कार बद्रीकृष्णा वाङ्मय पुरस्कार एक लाख एघार हजार एक सय एघारका संस्थापक दानवीर , वरिष्ठ समाजसेवी , भाषा, साहित्य, कला र सँस्कृतिको उन्नयनमा विशिष्ट योगदान पु¥याउनु भएका स्वः बद्रीनाथ भण्डारीको शालिक स्थापना गर्ने भएको छ । सुदूरपश्चिमाञ्चल साहित्य समाज, धनगढीले स्वः भण्डारीको ९९ औं जन्मजयन्तीका अबसरमा समारोहको आयोजना गरि उक्त कुराको जानकारी गराएको हो ।
समारोहका प्रमुख अतिथि नेपाल सरकारका पूर्व उपसचिव एवं प्राज्ञिक व्यक्तित्व गडसेरी माइला तीर्थराज ओझाले सहयोगी मनका धनी स्वः बद्रीनाथ भण्डारीले साहित्य, समाजसेवा, शिक्षा लगायतका क्षेत्रमा विशिष्ठ योगदन पु¥याउनु भएको बताउदै उहाका परिवार पनि सहयोगी भावनाका भएकोे बताए । त्यसैगरी वरिष्ठ पत्रकार मनमोहन स्वारले स्वः भण्डारी आफू , आफ्नो परिवारका लागि मात्र नभईअरूका लागि पनि सक्दो सहयोग गर्न सक्नुपर्छ भन्ने उच्च मानवीय भावनाका प्रेरक व्यक्तित्व भएकोे बताए ।
सुदूरपश्चिम विश्वविद्यालयका सह प्राध्यापक हरिकृष्ण कडायतले उनको व्यक्तित्व र कृतित्वको बारेमा विश्वविद्यालयले पनि अध्ययन गर्नु पर्ने वातावरण बनाउनु पर्ने बताउदै भण्डारी परिवारको धनगढीको शैक्षिक सामाजिक विकासमा उल्लेख्य योगदान रहेको बताए । स्वः भण्डारीका सुपुत्र राजेश भण्डारीले आफ्नाका पिताका प्रेरणाले सामाजिक शैक्षिक साँस्कृतिक क्षेत्रमा लाग्न उत्साहित बनाएको भन्दै साहित्य समाजका गतिविधिमा सक्दो सहयोग गर्ने बताए । स्वः भण्डारीका भतिजा इन्जिनियर कृष्णगोपाल भण्डारीले काकाले कमजोर तप्कालाई सधै सक्दो सहयोग गर्नुभएको स्मरण गरे ।
समारोहमा समाजका अध्यक्ष तीर्थराज पाण्डेयले साहित्य समाज परिसरमा स्वः बद्रीनाथ भण्डारीको शालिक स्थापना गर्नै जानकारी गराए । अध्यक्ष पाण्डेले शालीक स्थापना गर्ने जानकारी गराए पछि स्व भण्डारीका सुपुत्र राजेश भण्डारीले एकाउन्न हाजार, पुत्रवधु चित्रा भण्डारीले एघार हजार, भतिजा इन्जिनीयर कृष्णगोपाल भण्डारीले पन्ध्र हजार र भतिजा चित्रराज भण्डारीले एघार हजार शालिक निर्माणका लागि प्रदान गर्ने घोषणा गरेका थिए । कार्यक्रमको संचालन महासचिब गणेश बहादुर नेपालीले गरेका थिए ।
