प्रदिप मलासी,चैत्र ०२ धनगढी । बझाङका प्रमुख जिल्ला अधिकारी विश्व कुईकेलद्वारा लिखित गोपिचा उपन्यासको शुक्रवार धनगढीमा परिचर्चा कार्यक्रम गरिएको छ । सुदूरपश्चिमाच्चल साहित्य समाजको आयोजनामा शुक्रवार साहित्य समाजको सभा हलमा औपचारिक कार्यक्रमको आयोजना गरी गोपिचा उपन्यास माथी परिचर्चा कार्यक्रम गरिएको हो । कार्यक्रममा तुलसि शर्मा र नरेन्द्र भट्टले उक्त उपन्यास माथी परिचर्चा गर्दै जातिय बिभेदको अन्त्यसंगै ब्यवस्था परिवर्तनका लागि अपमान सहन गर्न वाध्य गोपीचालाई राज्यले सहिद धोषणा गर्नु पर्ने भन्दै उपन्यासले दिन खोजेको भाव समाज परिवर्तनको ठूलो मार्ग दर्शन भऐको बताए ।
प्रेम बिबाहकै कारण जात जाने र जेल जीवन बिताउनु परेका गोपीचाले राणा शासनको दबदवालाई अन्त्य गर्न र राजबन्दी नेताहरुलाई जेल मुक्त गर्न गोपीले ठूलो योगदान गरेको वक्ताहरुले चर्चा गरेका छन । साहित्य भेषभुषा भेग भुगोल संगै जीवन शैली रुपान्तरण गर्न साहित्य क्षेत्रको अतुलनिय योगदान रहने भन्दै साहित्यकारले साहित्यिक कलमलाई निरन्तरता दिनु पर्ने कार्यक्रमका प्रमुख अतिथि तथा सुदूरपश्चिम प्रदेश प्रहरी प्रमुख वरिष्ठ प्रहरी नायव महानिरिक्षक रबिन्द्र केसीले बताए । तीन पुस्ता अगाडीको समाजमा देखा परेको दृश्यलाई भिज्युयल मार्फत पुर्नताजकिय गर्नु भएकोमा उपन्यासका लेखक विश्व कुईकेल सरलाई प्रमुख केसीले धन्यवाद सहित व्यक्त गरेका छन ।
गोपिचाले व्यवस्था परिवर्तनका लागि गरेको योगदानलाई राज्यले मुल्यांकन गर्नु पर्ने भन्दै गोपिचा जस्तै धेरै गुमनामहरुको शरीर माथी प्राप्त श्रीपेच भएकाले पुस्तकको बाहिरी पृष्ठमा श्रीपेचको तस्बिर राखेको लेखक विश्व कईकेलले बताए । सुदूरपश्चिममा भएका धेरै बिभेदको अन्त्य साहित्यको लेखनवाट सम्भव भएकाले साहित्य क्षेत्रको बिकासमा सबै साहित्य श्रष्ठाहरुले निरन्तरता देखाउनु पर्ने भन्दै आफ्नोे कृतिको परिचर्चा कार्यक्रम गरी साहित्य उर्जा थपि दिनु भएकोमा सुदूरपश्चिम साहित्य समाजलाई उनले धन्यवाद व्यक्त गरे ।
हरेक सिर्जनाहरु बिचार विमर्श गर्ने थलोको रुपमा सुदूरपश्चिम साहित्य समाज रहेकाले कृतिहरुको बारेमा यस्ता कार्यक्रम निरन्तरता दिदै आएको र साहित्य प्रति रुचि राख्ने सबै साहित्यिक मनहरुलाई आफुहरु उत्साह थप्न लागि रहने कार्यक्रमका अध्यक्ष तथा सुदूरपश्चिमाच्चल साहित्य समाजका अध्यक्ष तिर्थराज पाण्डेयले बताए । साहित्य हाम्रो अभिन्न अंग भएकाले समाज सुधार बिकासका सवालमा कलम चलाई साहित्य क्षेत्रमा सबैको आक्रषणता बढाउने गोपिचा उपन्यासका लागि लेखक विश्व कुईकेललाई अध्यक्ष पाण्डेयले धन्यवाद व्यक्त गरेका छन ।
सुदूरमा हुने बैबाहिक अवस्थालाई हरेक जाति बर्ग समुदायले सहज रुपमा स्वीकार गर्न सके समाजको बिद्यमान विभेद अन्त्य गर्न कुनै समय नलाग्ने प्रेस युनियन प्रदेश अध्यक्ष मनमोहन स्वारले बताए । साहित्य समाजका महासचिव गणेश नेपालीले विश्व कुईकेल जस्तो साहित्यकार सुदूरपश्चिमको परिवर्तनका लागि एक उदाहरणिय व्यक्ति भएकाले सुदूरको बिभेदको पर्खाल भत्काउने विश्व कुईकेल जन्माउनु पर्ने बताए ।
शुक्रवार सुदूरपश्चिमाञ्चल साहित्य समाज धनगढीले गरेको परिचर्चा कार्यक्रमको अध्यक्षता सुदूर पश्चिम साहित्य समाजका अध्यक्ष तिर्थराज पाण्डेयले गरेका थिए भने सुदूरपश्चिम प्रहरी प्रमुख रबिन्द्र केसी प्रमुख अथिति रहनु भएको कार्यक्रमको संचालन साहित्य समाजका महासचिव गणेश नेपालीले गरेका थिए ।
