दीपिका पादुकोणको मुख्य भूमिका रहेको बलिउड चलचित्र ‘गहराइयाँ’ ओटीटी प्लेटफर्ममा रिलिज भइसकेको छ । यो चलचित्रले समीक्षक र दर्शकको मन पनि जितेको छ ।
चलचित्रकोे प्रचार सामग्रीमा दीपिका निक्कै बोेल्ड देखिएकी छन् । चलचित्रमा उनको थुप्रै चुम्बनका दृश्य छन् । यी दृश्यहरुको विषयमा दीपिकाका श्रीमान रणवीर सिंहको प्रतिक्रिया के होला भन्ने पनि धेरैलाई लागेको थियो । तर रणवीरले भने दीपिकालाई चुम्बन गर्दै यसको जवाफ दिएका छन् ।
रणवीरले सामाजिक सञ्जालमा लेखेका छन्, ‘हामी एक अर्कामा डुबेका छौं । तिमीले काम गरेको चलचित्र मास्टरक्लास छ
बेबी । तिमीले चलचित्रमा उत्कृष्ट र दिललाई छुने काम गरेकी छौ। चलचित्रमा तिम्रो अतुलनीय काम छ । तिमीले मलाई गर्व गर्नलायक बनाएकी छौं ।’
रणवीरले दीपिकाको कामको प्रशंसा गर्दै आलोचकको मुख थुन्ने कोशिश गरेका छन् । दीपिकाको साथमा सिद्धान्त चर्तुवेदी, अनन्या पाण्डे लगायतका कलाकारले अभिनय गरेको ‘गहराइयाँ’ले अमेजन प्राइममा दर्शकको साथ पाइरहेको छ ।
