भदौ २९ धनगढी । कैलालीमा पाँच सय ४७ वटा उद्योग बन्द भएका छन । पछिल्लो तीन वर्षयता कैलालीमा पाँच सय ४७ वटा घरेलु तथा साना उद्योग बन्द भएका हुन । घरेलु तथा साना उद्योग कार्यालय धनगढीका प्रमुख कोमलप्रसाद ओझाल तीन वर्षयता पाँच सय ४७ वटा घरेलु तथा साना उद्योग बन्द भएको जानकारी गराएका हुन । उनले आार्थिक वर्ष २०७७÷७८ मा एक सय ४० वटा, आार्थिक वर्ष २०७८÷७९ मा एक सय ७५ वटा तथा आार्थिक वर्ष २०७९÷८० मा दुई सय ३२ गरी ५ सय ४७ वटा उद्योग बन्द भएको जानकारी गराएका हुन ।
त्यसैगरी हालसम्म कैलालीमा उत्पादनमूलक, कृषिमूलक, निर्माणमूलक, पर्यटनमूलक, सूचना प्रविधि र सेवामूलक गरी १५ हजार ९१ वटा उद्योग दर्ता भएको उनले जानकारी गराए । बर्षेनी उद्योग नवीकरण भइरहे पनि अधिकांश उद्योग सञ्चालनमा आउन नसकेको यनले जानकारी गराए । आर्थिक वर्ष २०७७÷७८ मा दुई हजार नौ सय ६८ वटा,आर्थिक वर्ष २०७८÷७९ मा दुई हजार चार सय ३७ वटा र आर्थिक वर्ष २०७९÷८० मा एक हजार एक सय ९७ वटा उद्योग दर्र्ता भएको कार्यालय प्रमुख ओझाले जानकारी गराए ।
कोभिड–१९ को महामारी पछि आर्थिक मन्दी, कच्चा पदार्थको अभाव लगायतका कारण देखाएर उद्योग बन्द हुन थालेको जानकारी गराउदै उनले बन्द भएका उद्योगहरुमा अधिकांश उत्पादनमूलक, कृषिमूलक, सेवामूलक र पर्यटनमूलक उद्योग रहेको उनले जानकारी गराए । उनले उद्योग दर्ता खारेजी फारममा उद्योग बन्द गर्नुपरेको कारणमा आर्थिक मन्दीले चलाउन नसकिएको, उद्योग सञ्चालन गर्न नसकेका कारण विदेश गइरहेको, उद्योगका लागि कच्चा पदार्थको अभाव लगायतका कारण देखाइने गरिएको जानकारी गराए ।
उनले कोभिड–१९ पछि केलालीमा उद्योग दर्ता हुने क्रम पनि घट्दो क्रममा रहेको जानकारी गराए । उनले कोभिड पछि आर्थिक मन्दी आएको र बैंकले ऋण लगानी नगरे पछि उद्योग दर्ता गर्ने क्रम घटेको जानकारी गराए । सरकारले युवालाई उद्यमतिर आकर्षित गर्ने नीति अवलम्बन गरेको भए पनि उद्योग सञ्चालनका लागि पूँजीको अभाव लगायतका कारणले उद्योग दर्ता घट्दो क्रममा रहेको उनले जानकारी गराए ।
