भदौ ०९ धनगढी । कैलाली उद्योग वाणिज्य संघका अध्यक्ष पुष्पराज कुँवरले धनगढी उप–महानगरपालिकाले करमाथि कर लगाएर व्यावसायीहरूलाई हैरान बनाएको बताएका छन । शनिबार कैलाली उद्योग वाणिज्य संघको ४९औँ साधारण सभामा उनले यस्तो बताएका हुन ।
उनले धनगढी उपमहानगरपालीकाले करमाथि कर लगाएकाले कर हटाउन व्यापारीहरूका निवेदनहरू आइरहेको जानकारी गराए । करमाथि कर लगाउन उचित नभएको बताउदै अध्यक्ष कुँवरले नगर प्रमुख गोपाल हमाल पनि व्यावसायी भएकाले व्यावसायीहरूका समस्या समाधान गर्लान भन्ने आशा निराशामा परिणत भएको बताए ।
उनले सबै व्यावसायीहरू निराश भएको बताउदै करकै कारण धनगढीमा मात्रै ३० देखि ३५ प्रतिशत ब्याबसायीहरु व्यवसाय छोड्न बाध्य भएको बताए । धनगढी बजार क्षेत्रका धेरै सटरहरू खाली भइसकेको बताउदै उनले तीनै तहका सरकारले व्यावसायीहरूका पीडालाई बुझन नसकेको बताए ।
कैलाली उद्योग वाणिज्य संघका अध्यक्ष कुँवरले बैंकको चर्को ब्याजका कारण धराशायी बन्दै गएका ब्यापारीहरुलाई उपमहानगरपालीकाको करले झनै व्यापार व्यवसाय छोड्न बाध्य बनाएको बताए । सरकारले कर मात्रै उठाएको बताउदै उनले व्यावसायीहरूलाई सहुलीयत दिन नसकेको बताए ।
अध्यक्ष कुँवरले राज्यले निर्माण व्यावसायीहरूको ७०÷८० अर्ब भुक्तानी गर्न नसकेको बताउदै जसका कारण निर्माण ब्याबसायीहरु समेत समस्या परेको बताए ।
