आफुले सिन्को भाच्न नसक्ने र अरुले गरेको कामको कुरा काट्ने प्रबृती पहिले देखिनै चल्दै आएको छ । सके आफुले काम गरौ, नसके अरुको कामको प्रशंसा गर्न नसके पनि कमसेकम गाउ समाजमा कुराकाट्न काम नगरौ भन्ने सोच राख्न आवश्यक छ । सुदूरपश्चिम प्रदेशमा ब्याप्त छाउपडी प्रथाको अन्त्य गर्न सक्रिय सबैको कामलाई सम्मान गर्न जरुरी छ । छाउपडी गोठ भत्काएर सुरक्षित घर भिेत्र बस्ने महिलाहरुको कुराकाट्ने होईन उनहिरुलाई सम्मान गर्न जरुरी छ । अहिले पनि महिलाहरु महिनाबारी भएकाबेला गोठमा बस्ने चलन रहेको छ ।
गोठमा बस्दा सर्पले डसेर आगलागी भएर त बलात्कार गरी महिलाहरु मारीएका घटनाहरु सार्बजनीक हुदै आएका छन । यस्ता घटनाहरुबाट पाठ सिक्दै महिनाबारी भएका बेला घर भित्रै बस्ने महिलाहरुलाई सम्मान गरी हौसला प्रदान गर्न जरुरी छ । डोटीको जोरायल गाउँपालिकाले महिनावारी भएका बेला सुरक्षित घरभित्र बस्ने २८ जना महिलालाई सम्मान गरेको थियो । डोटीको जोरायल गाउपालिका वडा नम्बर ४ काफली गाउका महिनावारी भएका बेला सुरक्षित घरभित्र बस्ने २८ जना महिलाहरुलाई गाउ“पालिकाले सम्मान गर्नु समाज परिबर्तका लागी महत्वपूर्ण कार्य हुदा हुदै पनि कसैले अनुसरण नगर्नु दुखद विषय हो ।
कुरा ठुला गर्ने काम सिन्को भाचेर दुई नगर्ने प्रबृतीले देशमा विक्रिती विसंगती र कुसंस्कार मौलाउदै गएका छन । यस्ता संस्कारहरुको अन्त्य गर्न महिनावारी भएका बेला घर भन्दा टाढा गोठमा बस्ने महिलाहरुलाई घर भित्र बस्ने बताबरण बनाउन जरुरी छ । जोरायल गाउ“पालिकाबाट अन्य गाउपालीकाहरुले पनि पाठ सिक्न जरुरी छ । छाउपडी प्रथाको अन्त्यका लागि निरन्तर यस्ता कामहरु गर्दै सबै स्थानीयतहले अगाडी बढ्न जरुरी छ ।
घर भित्र बस्ने महिलाहरुलाई प्रोत्साहन तथा सम्मान गरेर आत्मविश्वास बढाउन जरुरी छ । अझै पनि छाउपडीको समस्या रहेको सुदूरपश्चिम प्रदेशका स्थानीय तहले यस्ता रचनात्मक कार्यहरु गर्न जरुरी छ । छाउपडी बार्ने महिलाहरुलाई कारबाही र घर भित्र बस्ने महिलाहरुलाई सम्मान गर्न सके छाउपडी जस्तो रुढीबादी संसकारको सहजै अन्त्य हुने भएकाले सबै भन्दा पहिले स्थानीय तह जागरुक हुन जरुरी छ । महिनाबारी भएका बेला घर भित्रै बस्ने महिलाहरुको कुराकाट्ने काम बन्द गरी हौसला प्रदान गर्ने गरौ ।
