फागुन ०५ बाजुरा । निर्बाचनको समय नजिकीदै गर्दा बाजुराका विभिन्न गाउँ बस्तीका घरदैलोमा झुन्ड्याएर राखिएका दमाहा बाजाको प्रयोग बढ्दै गएको छ । फागुन २१ गते हुने प्रतिनिधि सभा सदस्य पदको निर्वाचनका लागी प्रचार प्रसार सुरु भएसंगै घरदैलोमा झुन्ड्याएर राखिएका दमाहा बाजाको प्रयोग बढ्दै गएको हो । उम्मेदवारहरू घरदैलो कार्यक्रममा गाउँ बस्तीमा गएसँगै लामो समय देखि घरमा थन्किएका दमाहा बाजा प्रयोगमा आएका हुन ।
बाजुरामा चुनावी प्रचार प्रसारको रौनकता छाएको छ । चुनावी अभियानमा गाउँमा आउने उम्मेदवारहरूलाई दमाहा बाजाले स्वागत गर्ने गरेपछि गाउँका दमाहा बाजाको प्रयोगबढेको स्थानीयले बताएका छन । त्रिवेणी नगरपालिकाका नरी नेपालीले जिल्लाका विभिन्न गाउँ बस्तीमा उम्मेदवारहरूले आफ्नो घरदैलो कार्यक्रम सुरु गरेकाकाले गाउँ बस्तीमा पुगेपछि स्वागतका लागि बाजाको प्रयोग हुने गरेको बताए । माघ फागनुमा विवाह र दशैँमा बजाउने दमाहा बाजा अहिले उम्मेदारको स्वागतमा प्रयोग हुने ग रेको बताए ।
प्राय विवाहमा दमाहा बाजाको प्रयोग नभई ब्यान्ड बाजाको हुने गरेको बताउदै उनले गाउँमा ब्यान्ड बाजा ल्याएर बजाउन थालेपछि पुस्ताले जिविकोपार्जनका लागि प्रयोगमा ल्याएको दमाहा बाजा लोप हुने अबश्थामा प्गेको बताए । लामो समय देखि प्रयोगमा नआएको दमाहा बाजा अहिले चुनावी माहोल तात्तिँदै गएपछि उम्मेदवारहरूको स्वागतका लागि प्रयोग हुने गरेको नेपालीले बताए । गाउँमा उम्मेदवारहरू आउँदा उनिहरुलाई स्वागतका लागि दमाहा बाजा बजाउने गरे सँगै अहिले अधिकाशं गाउँ बस्ती दमाहा बाजाले गुञ्जयमान हुने गरेको उनले बताए ।
त्रिवेणी नगरपालिका वडा नम्बर–२ का अर्का स्थानीय हीरा नेपालीले गाउँमा उम्मेदवार आउँदा दमाहा बाजा बजाउँनका लागि पहिले नै खब खबर आउने गरेको बताए । उम्मेदवार आउँदा उनीहरूलाई स्वागतका लागि दमाहा बाजा बजाउने गरेको उनले सुनाए । बाजा बजाए बाफत उनीहरुले रुपैया दिने गरेको उनले बताए । दमाहा बनाएर घरमा त्यसै राख्ने गरेको अबश्थामा चुनावी सगर्मी बढसँगै दमाहा बाजाको प्रयोग बढेको उनले बताए ।
निर्वाचन नसकिउन्जेल सम्म दमाह बाजा प्रयोग हुने बताउदै नेपालीले अहिले सबै उम्मेदवारहरू गाउँमा आउँदा स्वागतका लागि बजाउने गरेको बाजा उम्मेदवारहरूको विजयी जुलुसमा पनि प्रयोग हुने बताए । त्रिवेणी नगरपालिका दलित नेटवर्कका अध्यक्ष वीरबहादुर विकले पहिले गाउँ बस्तीमा विवाह हुँदा जामा लगाएर बजाइने गरेको दमाहा बाजा अहिले गाउँमा उम्मेदवारहरू आउँदा बजाउने गरेको बताए ।
अहिले अधिकांश बाजा बजाउनेलाई केही रोजगारीको अवसर समेत मिलेको बताउदै उनले उनीहरु थोरै दिन भए पनि बाजा बजाउने असर पाउँदा निकै खुसी भएको बताए । आफ्नो सीपलाई प्रयोगमा ल्याउन पाउँदा उनीहरू खुसी भएको बताउदै उनले दमाहा बाजा प्राय नेपाली दमाई दास नगार्जीले बजाउने विवाह दशैँ पाटी पौवामा बजाउने गरेको जानकारी गराए । उनीहरूका लागि दमाहा बाजा कमाइ खाने माध्याम भएको बताउदै उनले यो बाजा लोप हुँदै जाने अवस्थामा पुगेको बताए । गत वर्ष उनिहरुले यो बाजालाई संरक्षण हुने गरी केही पालिका देखि रकम माग गरेको उनले बताए ।
