माघ ०३ बाजुरा । बाजुराको गौमूल गाउँपालिका वडा नम्बर–४ निबासी पारू रोकायाले सुन्तला खेतीबाट मनग्य आम्दानी गर्दै आएकी छिन । २०७४ सालमा गाउँमा सधैँ अन्नबाली लगाउने सात रोपनी जमिनमा सुन्तला खेती गरेकी उनले सुन्तला खेतीबाट मनग्य आम्दानी गर्दै आएकी हुन ।
२०८० साल देखि सुन्तला फल्न सुरु गरेको बताउदै उनले अहिले त्यसलाई बिक्री गरेर मनग्य आम्दानी गरीरहेको बताईन । गाउँमा धेरै जमिन भएको बताउदै उनले राम्रो मेहेनत गरेर अन्बाली लगाउँने गरेको स्मरण गर्दै त्यसबाट खान समेत नपुग्ने गरेको सुनाईन ।
त्यसपछि सबै जमिनमा सुन्तला खेती गरेको बताउदै उनले अहिले राम्रो कमाई हुने गरेको बताईन । अन्नबाली लगाउदा खान नपुग्ने ठाउँमा अहिले सुन्तला खेतीबाट परिवार पाल्न सहज भएको बताउदै उनले सुन्तला बिक्री गरेर छोरा छोरीलाई उच्च शिक्षा पढाई रहेको बताईन ।
२०७४ सालमा सात रोपनी जमिनमा सुन्तला खेती गरेको बताउदै उनले गाउँमा रहेको पाखो जमिनमा अन्बाली लगाउँदा उत्पादन राम्रो नभएपछि सबै जमिनमा सुन्तला खेती सुरु गरेको बताईन ।
गत वर्ष गाउँमा सडक नपुगेकाले सुन्तला समयमै मार्तडी पुगाउँन नसकेको बताउदै उनले यती बेला गाउँमा सडक पुगेपछि समयमै सुन्तला मार्तडी बजारमा ल्याएर बिक्री गर्न सकिएको बताईन ।
गाउँमा उत्पादन गरेको अर्गानिक सुन्तला भएकाले राम्रो बिक्री भएको उनले बताईन । गत वर्ष अलि ढिला ल्याएको बताउदै उनले तर पनि चार लाख रुपैयाँ कमाई भएको बताईन ।
अहिले समयमै सुन्तला बजारमा ल्याएको बताउदै उनले सबै सुन्तला बिक्री भएको खण्डमा यस वर्ष पाँच देखि छ लाख भन्दा बढी रुपैयाँ कमाई हुने बताईन ।
कृषि ज्ञान केन्द्र बाजुराका प्रमुख जसिराम साहनीले बाजुराका हिमाली, स्वामीकार्तिक खापर , जगन्नाथ, बुढीनन्दा, बडीमालिका, गौमूल, त्रिवेणी, बुढीगङ्गा , त्रिवेणी र छेडेदह लगायतका पालिकामा सुन्तला राम्रो उत्पादन हुने गरेको जानकारी गराउदै बाजुरामा उत्पादन गरेको सुन्तलालाई बजारीकरण गर्नका लागि कृषि ज्ञान केन्द्र बाजुराले सधै ढुवानी अनुदानको व्यवस्था मिलाउँदै आएको जानकारी गराए ।
