माघ ०१ अछाम । अछाममा मोटरसाइकल दुर्घटना हुँदा चालकको मृत्यु भएको छ । बुधवार साँझ मेल्लेख गाउँपालिका वडा नम्बर–७ स्थित जुम्ला खोलामा मोटरसाइकल दुर्घटना हुँदा सोही वडाको बिन्देबासिनीका ४२ वर्षीय उज्जल बहादुर बोहराको मृत्यु भएको हो ।
उनले चलाएको सुपप.० ३–००१ प ०६०१ मोटरसाइकल आफै अनियन्त्रित भएर सडकमा पल्टिदा घाइते भएका उनको प्रादेशिक अस्पताल बयलपाटामा उपचारका क्रममा मृत्युु भएको हो ।
दुर्घटनामा मोटरसाइकलको पछाडी सवार नन्देगडाका ३५ डम्बर साउँद घाइते भएको जिल्ला प्रहरी कार्यालय अछामले जनाएको छ । उनको बयलपाटा अस्पतालमा उपचार भइरहेको छ ।
