पौष २७ डडेल्धुरा । डडेल्धुरामा ट्र्याक्टर र मोटरसाइकल एक आपसमा ठोक्किँदा दुई जनाको मृत्यु भएको छ । शनिबार साँझ परशुराम नगरपालिका वडा नम्बर–९ कुयापानी जोगबुढा–दैजी सडक खण्ड अन्तर्गत जोगबुढाबाट गाईबाधेतर्फ जाँदै गरेको से २ त १४७४ नम्बरको ट्र्याक्टर र विपरीत दिशाबाट आउँदै गरेको म १ प ९९७३ नम्बरको मोटरसाइकल एक आपसमा ठोक्किँदा भएको दुर्घटनामा २ जनाको मृत्यु भएको हो ।
दुर्घटनामा परशुराम नगरपालिका वडा नम्बर–१२ पन्तुराका २७ वर्षीय नबिन साउद र मोटरसाइकलको पछाडि सवार परशुराम नगरपालिका वडा नम्बर–१२ जोगबुढा बस्ने ३५ वर्षीय मान जाग्रीको मृत्न्यु भएको हो । गम्भीर घाइते भएका दुवै जनालाई जोगबुढा अस्पतालको एम्बुलेन्स मार्फत तत्काल उपचारका लागि अस्पताल पु¥याइएको भएपनि चिकित्सकले दुवै जनालाई मृत घोषणा गरेका थिए ।
दुर्घटना पछि ट्र्याक्टर चालक डडेल्धुरा सतघाट घर भई हाल परशुराम नगरपालिका बस्दै आएका ३२ वर्षीय सुरेश भट्ट फरार भएका छन । फरार चालकको खोजी कार्य तीव्र रूपमा भइरहेको डडेल्धुरा प्रहरीले जानकारी गराएको छ ।
