पौष १३ धनगढी । फैसला कार्यान्वयनको सिलसिलामा जिल्ला प्रहरी कार्यालयले फरार प्रतिवादीहरूलाई पक्राउ गरेको छ । जिल्ला प्रहरी कार्यालय कैलालीले सम्मानित जिल्ला अदालत कैलालीको फैसलाले विभिन्न मुद्दामा कैद सजाय तथा जरिवाना तोकिएका २ जना फरार प्रतिवादीलाई शुक्रवार उनीहरूको घर ठेगानाबाट पक्राउ गरेको हो ।
त्यसैगरी डडेल्धुरा जिल्लामा पनि फैसला कार्यान्वयनका क्रममा एक जना फरार प्रतिवादीलाई पक्राउ गरिएको छ । सम्मानित जिल्ला अदालत डडेल्धुराको फैसला अनुसार लागूऔषध मुद्दामा ८ दिन कैद, १० हजार जरिवाना तथा अन्य ४ सय जरिवाना तोकिएका कैलाली जिल्लाको धनगढी उपमहानगरपालिका वडा नम्बर–३ मिलनचोक बस्ने २२ वर्षका आयुष सिजापतीलाई शनिवार अमरगढी नगरपालिका वडा नम्बर–५ बागबजारबाट जिल्ला प्रहरी कार्यालय डडेल्धुराबाट खटिएको प्रहरी टोलीले पक्राउ गरेको हो । पक्राउ गरिएका प्रतिवादीहरूलाई आवश्यक कानुनी प्रक्रिया अगाडी बढाइएको प्रहरीले जनाएको छ ।
