पौष १० अछाम । अछामबाट सवारी ज्यान र बैंकिङ कसुर मुद्दामा फरार रहेका २ जनालाई प्रहरीले पक्राउ गरेको छ ।
जिल्ला अदालत अछामको मिति २०८१ असार २६ गतेको फैसलाले सवारी ज्यान मुद्दामा ३ महिना कैद र २ हजार जरिवाना तोकिए पछि फरार रहेका चौरपाटी गाउँपालिका वडा नम्बर–५ बस्ने तेजबहादुर रावल र २०८२ असार १७ गतेको फैसलाले बैंकिङ कसुर मुद्दामा ७ दिन कैद र २० हजार जरिवाना तोकिएका साँफेबगर नगरपालिका वडा नम्बर ५ नवठाना बस्ने रेमन्त बहादुर ठकुल्लालाई प्रहरीले पक्राउ गरेको हो ।
फरार रहेका दुबै जनालाई जिल्ला प्रहरी कार्यालय अछामबाट खटिएको प्रहरी टोलीले बुधवार पक्राउ गरी जिल्ला अदालत अछाममा उपस्थित गराईएको जनाइएको छ ।
