मंसिर १६ कञ्चनपुर । कञ्चनपुरमा जङ्गली हात्तीको आक्रमण बढ्दै गएकाले वर्षैपिच्छे मानवीय क्षेती हुदै आएको छ । शुक्लाफाँटा राष्ट्रिय निकुञ्जबाट आउने हात्तीको आक्रमणबाट वर्षैपिच्छे मानवीय क्षेती हुदै आएको हो । गत मङ्गलबार राती भीमदत्त नगरपालिका वडा नम्बर–१४, वनकट्टीका नन्दलाल विष्टको घरमा हात्ती पसेर उत्पात मच्चाउदै आक्रमण गरेपछि ४५ वर्षीया उनकी श्रीमती धनाको ज्यान गएको छ ।
कच्ची घर भत्काएर भित्र छिरेको हात्तीले पिठिउँ, कुम र खुट्टामा गम्भीर चोट पु¥याएको अबश्थामा अस्पताल पु¥याईएकी धनाको उपचारका क्रममा मृत्यु भएको थियोे । यसअघि पनि असोज २ गते बेलौरी नगरपालिका वडा नम्बर–३ का ६० वर्षीय श्रीप्रसाद आचार्यलाई पुष्पलाल स्मृति सामुदायिक वन नजिकै जङ्गली हात्तीले आक्रमण गरी ज्यान लिएको थियो । डिभिजन वन कार्यालय र शुक्लाफाँटा राष्ट्रिय निकुञ्जको तथ्यांक अनुसार पछिल्लो सात वर्षमा हात्तीको आक्रमणबाट १२ जनाले र बाघको आक्रमणबाट २ जनाले ज्यान गुमाएका छन् ।
यस अवधिमा ८ जना सख्त घाइते र १८ जना सामान्य घाइते भएका छन् । आर्थिक वर्ष २०७६÷७७ मा तीन,२०७८÷७९ मा तीन, २०७९÷८० मा दुई, २०८१÷८२ मा दुई र हाल २०८२÷८३ मा पनि दुई जनाको मृत्यु हात्तीको आक्रमणबाट भएको देखिन्छ । शुक्लाफाँटा नगरपालिका वडा नम्बर–१ का बलदेव बोहोरा, वडा नम्बर–१२ का धोजबहादुर कार्की र मथुरादेवी कार्की, लालझाडी गाउँपालीका वडा नम्बर–४ का रामदल राना, बेलौरी नगरपालीका वडा नम्बर–६ का उमेश चौधरी र बेलौरी नगरपालीका वडा नम्बर–३ का श्रीप्रसाद आचार्य लगायतले हात्तीको आक्रमणका कारण ज्यान गुमाएका छन् ।
त्यसैगरी बेलौरी नगरपालीका वडा नम्बर–८ की गङ्गादेवी चन्द र दोधारा–चाँदनी गाउँपालीका वडा नम्बर–२ का २३ वर्षीय हीरा शाह बाघको आक्रमणमा परेका थिए । हात्ती, बँदेल लगायतका वन्यजन्तुको आक्रमणबाट वेदकोट नगरपालीका वडा नम्बर–३ की पद्मा कुँवर, पुनर्वास नगरपालीका वडा नम्बर–१० की लक्ष्मीदेवी जोशी, परी विष्ट लगायत गम्भीर घाइते भएको डिभिजन वन कार्यालयले जनाएको छ ।
कञ्चनपुरको निकुञ्ज, मध्यवर्ती क्षेत्र र मोहना–लालझाडी कोरिडोरमा हात्तीको आक्रमण अन्य जनावरको भन्दा धेरै हुने गरेको छ । करिब ५० वटा हात्ती मध्ये विशेषगरी दाह्रा नभएको भाले ‘मकुना’ र पुच्छर छोटो भएको ‘लेदे’ गरी दुई निष्कासित हात्तीले मानवीय क्षति बढाइरहेको निकुञ्ज कार्यालयले जनाएको छ । मातृसत्तात्मक रूपमा चल्ने हात्ती झुन्डबाट निकालिएका यस्ता हात्तीले परम्परागत बाटो र बासस्थान बिर्र्सदा मानव बस्तीमा पस्ने र जनधनको क्षति गराउने गरेको निकुञ्जका सूचना अधिकारी पुरुषोत्तम वाग्लेले बताए ।
