अ सोज १८ बैतडी । डिभिजन वन कार्यालय बैतडीले वन विस्तार र वातावरण संरक्षणलाई मुख्य प्राथमिकतामा राख्दै आर्थिक वर्ष २०८१÷८२ मा ७५ हजार विरुवा वितरण गरेको छ । प्रती विरुवा १० रुपैयाँ लागतका दरले ५० हजार एक वर्षे विरुवा र २५ रुपैयाँ लागतका दरले २५ हजार बहुवर्षीय विरुवा उत्पादन गरी डिभिजन वन कार्यालय बैतडीले ७५ हजार विरुवा वितरण गरेको हो ।
डिभिजन वन कार्यालयका अनुसार ११ लाख २५ हजार रुपैयाँ बराबरको सरकारी लगानीमा उत्पादन गरिएका विरुवा डिभिजन कार्यालय लगायत मातहतका कार्यालयबाट २५ हजार बहुवर्षीय र ५० हजार एकवर्षीय गरी ७५ हजार विरुवा स्थानीय तह र सामुदायिक वन समूहलाई निःशुल्क वितरण गरिएको हो ।
डिभिजन वन कार्यालय बैतडीले आफ्नै उत्पादनमा आर्थिक वर्ष २०८१÷८२ मा ७५ हजार विरुवा वितरण गरेको डिभिजन वन कार्यालय बैतडीका प्रमुख भक्त राज गिरिले जानकारी गराए । असार, साउन र भाद्र महिनामा वर्षा यामलाई लक्षित गर्दै २५ हजार बहुवर्षीय र ५० हजार एक वर्षे गरी कुल ७५ हजार विरुवा वितरण गरिएको उनले जानकारी गराए ।
जिल्लाभरी हरियाली वृद्धि गर्न, वातावरणीय सन्तुलन कायम गर्न तथा स्थानीय बासिन्दाको आय आर्जनमा टेवा पुग्ने अपेक्षा सहित विरुवा वितरण गरिएको उनले जानकारी गराए । विभिन्न स्थानीय तह, सामुदायिक वन उपभोक्ता समूह, शैक्षिक संस्था तथा सरोकारवाला निकायसँगको सहकार्यमा एक वर्षे र बहुवर्षे बिरुवा वितरण गरिएको उनले बताए ।
विगतका वर्षहरू जस्तै यस वर्ष पनि विशेष गरी वन जडिबुटी ,फलफूल, दाउरा र घाँसका लागि उपयुक्त जातका बिरुवाका साथै माटो संरक्षण र जैविक विविधता वृद्धिमा सहयोग पुग्ने प्रजातिका बिरुवाहरू वितरण गरेको डिभिजन वन कार्यालय बैतडीका प्रमुख गिरिले जानकारी गराए ।
बढ्दो वातावरणीय प्रदूषण, वन फँडानी र जलवायु परिवर्तनको चुनौतीकाबीच बैतडीमा वितरण गरिएका विरुवाले वातावरण संरक्षणमा महत्वपूर्ण योगदान पु¥याउने विश्वास लिइएको उनले बताए । मानव वस्ती विकाससंगै वन संरक्षण र व्यवस्थापनमा वृक्षरोपणलाई दिगो बनाउन स्थानीय समुदायको सक्रियता अपरिहार्य रहने बताउदै उनले बिरुवा लगाउने मात्र नभई यसको संरक्षणमा पनि जोड दिनु पर्ने आवश्यकता रहेको बताए ।
